საფრთხის შემცველი სათამაშოები
მიმდინარე წლის სექტემბერსა და ოქტომბერში ბაზარზე ზედამხედველობის სააგენტომ საფრთხის შემცველი სათამაშოების 7 ნიმუში გამოავლინა.
აქედან 4 ნიმუში ე.წ. ტყლარწებია, რომლებშიც ბორის მიგრაცია ბევრად აღემატება დასაშვებ ნორმას.
3 ნიმუში კი ჩვილი ბავშვებისათვის განკუთვნილი საჩხაკუნო და სააბაზანო სათამაშოებია, რომლებსაც პატარა ნაწილები სძვრება და, გადაყლაპვის შემთხვევაში, შეიძლება გაგუდვა გამოიწვიოს.
საფრთხის შემცველი სათამაშოების ჩამონათვალი იხილეთ ბმულზე https://form.msa.gov.ge/view/613
აქვე ისიცაა საყურადღებო, რომ განცხადებების გამოქვეყნების თარიღად 2 ნიმუშს 9 სექტემბერი, ხოლო 3 ნიმუშს 20 სექტემბერი უწერია. თუმცა, ჩვენ ყოლკვირეულად ვადევნებთ თვალს სააგენტოს ვებსაიტს და ეს განცხადებები 30 სექტემბრისთვისაც არ ყოფილა გამოქვეყნებული. ანუ განცხადებები დაგვიანებით გამოქვეყნდა და მათში წინა თარიღებია მითითებული.
რაც შეეხება სააგენტოს ფეისბუქის გვერდს, აქ აღნიშნული განცხადებები არ გამოქვეყნებულა და, როგორც წესი, საფრთხის შემცველი პროდუქტების შესახებ განცხადებები საერთოდ არ ქვეყნდება. ამგვარად, მომხმარებლებს არ გვეძლევა საშუალება დროულად გავიგოთ სააგენტოს მიერ გამოვლენილი საფრთხის შემცველი პროდუქტების შესახებ და მათი მოხმარება თავიდან ავირიდოთ. ეს იმ ფონზე ხდება, როცა სააგენტოს მიერ პროდუქციის ლაბორატორიული კვლევების მასშტაბი მეტად მცირეა.
-------
8 ოქტომბერს ამ განცხადების ჩვენი ფეისბუქის გვერდზე გამოქვეყნების შემდეგ, ბაზარზე ზედამხედველობის სააგენტომ საკუთარი ფეისბუქის გვერდზე გამოაქვეყნა განცხადება 4 სათამაშოს ბორით დაბინძურების შესახებ. თუმცა, დანარჩენი 3 საფრთხის შემცველი სათამაშოს შესახებ, ფეისბუქით ინფორმაცია კვლავ არ გაუვრცელებია.
08.10.2024
კომენტარის გასაკეთებლად გთხოვთ გაიაროთ ავტორიზაცია