ბოლო ცვლილებები

საინფორმაციო შეხვედრა რუსთავსა და მარნეულში
იმერული სახაჭაპურე
საინფორმაციო შეხვედრა "სურსათის სახელმწიფო კონტროლი"
კარფურში შეძენილი კარაქი „ვალიო“
ხელშეკრულების სტანდარტული პირობები
მოსახლეობის ინფორმირება მავნე პროდუქტების შესახებ -- წერილი გარემოს დაცვისა და სოფლის მეურნეობის მინისტრს
სურსათის უვნებლობის კონტროლის ზოგიერთი საკითხი
ბეჭდური პუბლიკაციები
შეუსაბამო ფასები ბარებსა და რესტორნებში - რჩევა უცხოელ ტურისტებს Overpricing in Bars and Restaurants - Advice to Foreign Tourists
სურსათის ეროვნული სააგენტოს 2019 წლის პირველი კვარტლის კონტროლის შედეგები

სულ ნიუსები: 21

2017 წლის ზაფხულში გავრცელდა ინფორმაცია ქართულ სუნელებში ტყვიის გადამეტებული ოდენობის აღმოჩენის შესახებ. ამასთან დაკავშირებით ჩვენც გამოვითხოვეთ სხვადასხვა ინფორმაცია და სუნელების ლაბორატორიული კვლევების ორგანიზებაც მოვახდინეთ, რის შესახებაც იხილეთ ჩვენი სტატია.

ერთ-ერთი სირთულე, რომელიც ამ შემთხვევის შესწავლისას გამოიკვეთა, არის სურსათის დაბინძურების წყაროების გამოვლენა. ჩვენ გვაინტერესებდა იყო თუ არა ამ მხრივ რაიმე პროგრესი და 2017 წლის ნოემბერში სურსათის ეროვნული სააგენტოდან (სეს) გამოვითხოვეთ ინფორმაცია იმის გასარკვევად, გამოვლინდა თუ არა 2017 წლის ივლისში სუნელების 4 პარტიის ტყვიით დაბინძურების მიზეზები.

სეს-ის ინფორმაციით, სუნელების მწარმოებელ-რეალიზატორ ოთხივე ბიზნესოპერატორსა და მათი ნედლეულით მომმარაგებელ ბიზნესოპერატორებს დაევალა წარმოებისათვის/გადამუშავებისათვის გამოსაყენებელი ნედლეულის, ინგრედიენტის ან სხვა ნებისმიერი მასალის ლაბორატორიული შემოწმება ტოქსიკურობაზე და შედეგების  სააგენტოში წარდგენა (წერილები #09-12455, 30.11.2017 და #09-12867, 12.12.2017). ყველა ბიზნესოპერატორმა წარადგინა შემოწმების შედეგები, თუმცა, შემოწმებული ნიმუშები ნორმის ფარგლებში იყო. ერთმა მეწარმემ კი შეწყვიტა სუნელების წარმოება-რეალიზაცია, რის შესახებაც წერილობით აცნობა სეს-ს. ამგვარად, პროდუქტების დაბინძურების მიზეზები ვერც ამ შემთხვევაში გამოვლინდა.

ამის შემდეგ ჩვენ შემდეგი კითხვებით მივმართეთ სეს-ს:

·         რა დასკვნები გამოიტანა სეს-მა ამ შემთხვევებთან დაკავშირებით?

·         რა სავარაუდო მიზეზებმა შეუშალა ხელი დაბინძურების წყაროების გამოვლენას?

·         რა უნდა გაკეთდეს მომავალში იმისათვის, რომ სურსათის დაბინძურების წყაროების გამოვლენა გაადვილდეს?

სეს-ის პასუხი იყო, რომ სურსათის ტყვიით დაბინძურების საკითხთან დაკავშირებით საჭიროა რისკის შეფასება, რის შესახებაც მიმართეს შესაბამის დაწესებულებას -- სოფლის მეურნეობის სამეცნიერო-კვლევით ცენტრს. რაც შეეხება თავად სეს-ის საქმიანობაში მიკვლევადობასთან დაკავშირებით არსებულ სირთულეებს, სეს-მა ეს, რატომღაც არ აღიარა.

ჩვენი აზრით, სურსათის ტყვიით დაბინძურებასთან დაკავშირებით რისკის შეფასება ნამდვილად სასარგებლო იქნება. თუმცა, დაბინძურების წყაროების მიკვლევადობა სეს-ის კომპეტენციაა და, პირველ ყოვლისა, სწორედ ამ უწყებამ უნდა იმუშავოს ამ პრობლემის მოსაგვარებლად. მხოლოდ რისკის შეფასება ამისათვის საკმარისი არ იქნება. 




print version
10:29:25 2018-02-06

კომენტარის დამატება

ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge