momxmarebeli.ge

ბოლო ცვლილებები

მომხმარებლისათვის სურსათის შესახებ ინფორმაციის მიწოდება
ევროკავშირში აღმოჩენილი სახიფათო არასასურსათო პროდუქტები
სურსათის ეროვნული სააგენტოს 2018 წლის აპრილ-ივნისის კონტროლის შედეგები
ხილის წვენები და მსგავსი სასმელები
რას ნიშნავს „გმო“?
მომხმარებლის ძირითადი უფლებები
სურსათთან დაკავშირებული რისკის შეფასება
როგორ შევარჩიოთ სამომხმარებლო პროდუქცია?
ბეჭდური პუბლიკაციები
შაქრის ეტიკეტი

სულ ნიუსები: 21
ავტომატური კომპენსაცია მომხმარებლებს
ევროკავშირში,

დიდი ბრიტანეთის მომხმარებელთა უფლებების დამცველი ორგანიზაციის Which?-ის ადვოკატირების კამპანიის შედეგად საკაბელო ინტერნეტპროვიადერებმა მომხმარებლებისათვის ავტომატური კომპენსაციის მექანიზმის დანერგვა გადაწყვიტეს. იმ შემთხვევაში, როცა კომპანიები სათანადო მომსახურებას ვერ უზრუნველყოფენ, მომხმარებლებს საკომპენსაციო თანხებს ანგარიშებზე ავტომატურად დაურიცხავენ. მომხმარებლებს აღარ დასჭირდებათ კომპანიისათვის მიმართვა. მექანიზმის დანერგვაზე 5 კომპანია შეთანხმდა, რომლებიც საკაბელო ინტერნეტის მომხმარებელთა 90%-ს ემსახურებიან. მექანიზმი 15 თვეში ამოქმედდება, რაც საშუალებას მისცემს კომპანიებს ამ ცვლილებისათვის სათანადოდ მოემზადონ და მისი ეფექტიანი მოქმედება უზრუნველყონ.

კომპენსაციების ოდენობა შემდეგნაირად განისაზღვრა:

·      მომსახურება შეწყდა 2 სამუშაო დღეზე მეტი ვადით -- 8 ფუნტი სტერლინგი თითო სამუშაო დღეზე.

·      ხელოსანი არ მივიდა მომხმარებლის მისამართზე, ან ვიზიტი გაუქმდა 24 საათზე ნაკლები დროის წინასწარი შეტყობინების შედეგად -- 25 ფუნტი სტერლინგი.

·    პროვაიდერის დაპირების მიუხედავად, ახალი მომსახურების მიწოდება დათქმულ ვადაში არ დაიწყო -- 5 ფუნტი სტერლინგი თითო კალენდარულ დღეზე.    

 

წყარო: საკაბელო ინტერნეტის პროვაიდერები ავტომატურ კომპენსაციას შესთავაზებენ მომხმარებლებს, Which?-ის ვებსაიტი, https://www.which.co.uk/news/2017/11/broadband-providers-to-offer-automatic-compensation-to-customers/?utm_source=Consumers+International+-+Members+%26+Subscribers&utm_campaign=3c296ccaf0-WebSubsNov2017eNewsletter-English&utm_medium=email&utm_term=0_eab7ec67e5-3c296ccaf0-58337467




print version
15:42:16 2017-11-22

კომენტარის დამატება

neli   21:00:07 2018-02-03  უპასუხე   
მერე ჩვენ რაა?? დიდი ბრიტანეთი ვაართ/?
ვახტანგ, CSRDG   12:22:06 2018-02-05  უპასუხე   
ეს ინფორმაცია იმ მხრივ ჩავთვალეთ საინტერესოდ, რომ ჩვენთან მომხმარებლის ელემენტარული უფლებებისათვის გვიწევს ბრძოლა, ევროპაში კი გაცილებით შორს არიან წასული. საქართველოში მომხმარებლის უფლებების სფეროში რეფორმების განხორციელებისას მსოფლიო გამოცდილების გათვალისწინება მნიშვნელოვანია.


ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge