ბოლო ცვლილებები

ავტომატური კომპენსაცია მომხმარებლებს
საზოგადოებრივი ორგანიზაციების მიმართვა საქართველოს პარლამენტსა და მთავრობას „მომხმარებლის უფლებების დაცვის შესახებ“ კანონპროექტთან დაკავშირებით
პროდუქტი „იმერული“
სუნელების შემოწმება
სასმელი წყალი დიდუბიდან
კარფურში შეძენილი ტკბილეული
მომხმარებლის აზრი: სხვა საქონელი
მომხმარებლის აზრი: სამედიცინო და სააფთიაქო მომსახურება
მომხმარებლის აზრი: საზოგადოებრივი ტრანსპორტი
მომხმარებლის აზრი: დენი, გაზი, წყალი, დასუფთავება

სულ ნიუსები: 21
6 სახეობის ნაყინის შემოწმება
სურსათის ჰიგიენა, რძის ნაწარმი,

წინა წლებში ზაფხულის სეზონის დადგომასთან ერთად, მომხმარებელთა საჩივრების საფუძველზე არაერთხელ მოვახდინეთ ბაზარზე არსებული ქართული წარმოების ნაყინების შემოწმება. წელსაც გადავწყვიტეთ იგივე შემწომება ჩაგვეტარებინა:

2015 წლის 22 ივლისს, მაღაზიებში  "ფრესკოში",  "გუდვილი საბურთალოზე" და "ნიკორა", შევიძინეთ ნაყინები:

1. "საოჯახო ვანილი პინგო" - 24.06.15 - 24.12.15;

2. "ვანილის პლომბირი პოპი" - 16.06.15 - 16.06.16;

3.  "თოლია, საოჯახო ვანილის პლომბირი" - 17.07.15;

4. "ბარამბო ვანილის ნაყინი" - 15.06.15 - 15.06.16;

5. "პალომა ნაყინი კრემ-ბრულე" - 02.07.15-02.01.16.

ნაყინები სპეციალური მაცივარ-კონტეინერით ჩაბარდა ლაბორატორიას ანალიზისათვის.

ხოლო 23 ივლისს მაღაზია "ზღაპარში" შევიძინეთ -  "პლომბირი  გურჯაანის ნაყინი", გამოშვების ვადა 31.05.2015. ეს ნაყინიც მაცივარ-კონტეინერით მივიტანეთ იმავე ლაბორატორიაში ანალიზისათვის.

ლაბორატორიიდან მიღებული პასუხების მიხედვით ნაყინები  "ვანილის პლომბირი პოპი" ,  "თოლია, საოჯახო ვანილის პლომბირი" ,"ბარამბო ვანილის ნაყინი" ,"პალომა ნაყინი კრემ-ბრულე" მიკრობიოლოგიური პარამეტრები ნორმაშია, ხოლო ნაყინები  "საოჯახო ვანილი პინგო" და "პლომბირი  გურჯაანის ნაყინი" აღმოჩნდა დაბინძურებული კოლიფორმებით.

მომხმარებელს განვუმარტავთ, რომ ქარხნულად დახუფულ პროდუქტში კოლიფორმების აღმოჩენა პროდუქტის წარმოების პროცესში ჰიგიენის დარღვევაზე მიუთითებს და მომხმარებლის ჯანმრთელობისათვის უშუალო საფრთხესთან დაკავშირებული არ არის.

გაიგზავნა წერილები შპს "აის"-თან, შპს "4ბროს"-თან და სურსათის ეროვნულ სააგენტოში (წერილი 1, წერილი 2). 

2015 წლის 11 აგვისტოს მეწარმის წარმომადგენელმა კომენტარში "პინგოს" ალტერნატიული შემოწმების შედეგები მოგვაწოდა:

------------------------

ამ სტატიის პირველად, 2015 წლის 27 ივლისის ვარიანტში გამორჩენილი იყო მითითება იმის თაობაზე, რომ კოლიბაქტერიები ნაყინ "პინგოში" აღმოჩნდა (თუმცა სტატიაზე მიბმულ ლაბორატორიულ დასკვნაში ეს ჩანდა). 2015 წლის 31 ივლისს კომენტარში მომხმარებელმა "ირაკლიმ" ამ გარემოებაზე მიგვითითა. ჩვენ ბოდიში მოვიხადეთ და სტატია გავასწორეთ: დავამატეთ ინფორმაცია იმის თაობაზე, რომ კოლიბაქტერიები ნაყინ "პინგოშიც" აღმოჩნდა. შესაბამისი ინფორმაცია მიეწოდა იმ მედია-საშუალებას ("პალიტრას" გადაცემა "საქმეს"), რომელშიც ჩვენს მიერ ინფორმაცია არასწორად იყო გაშუქებული. ვინაიდან შესაბამისი გადაცემა სექტემბრამდე დახურული იყო, "პალიტრამ" გასწორებული ინფორმაცია თავის ვებ-გვერდზე გამოაქვეყნა.

2015 წლის 27 აგვისტოს ელ-ფოსტით მივიღეთ წერილი, რომელშიც მომხმარებელი ითხოვდა განმარტებებს იმის თაობაზე, თუ რატომ შესწორდა სტატია მომხმარებლის მოთხოვნით და რა მოხდებოდა, ეს მოტხოვნა რომ არ ყოფილიყო:

ასეთი კითხვები სხვა მომხმარებლებსაც შეიძლება დაებადოთ. ამიტომ ჩვენს პასუხს აქ ვაქვეყნებთ:




print version
14:20:08 2015-07-27

კომენტარის დამატება

PINGO   21:44:28 2015-08-10  უპასუხე   
პინგოს ნაყინის შემოწმების შედეგად გაირკვა!!! რაშიც იქამდეც ვიყავით დარწმუნებულები რომ მიკრობიოლოგიური ყველა პარამეტრი ნორმაშია.
Scan2.pdf
ლია, CSRDG   15:04:56 2015-08-11  უპასუხე   
ეს ინფორმაცია დავამატეთ სტატიას

nodari   20:06:17 2015-08-07  უპასუხე   
ამ ირაკლის გვარი არ ააქვს ქალბატონო ლია?
gocha gogitidze   21:27:35 2015-08-07  უპასუხე   
იმალებიან სხვა გზა აქვთ რამეე?მომხმარებლები იხვეწება ამ დაბინდზურების შემდეგ და ერთი ანალიზის დადებიტი პასუხი არ აღმოაჩნდა შპს აისს სამწუხაროდ!!!!

GOGA ALIASHVILI   18:45:04 2015-08-04  უპასუხე   
ქალბატონო ლია ძაან მაინტერესებს ვინ არის ირაკლი რომ დადიხართ მაგის ჭკუაზე???და უთანხმებთ რა როგორ დადოთ ეს ყველაფერი დაფარულად მაინც გააკეთეთეთ!!!
ლია, CSRDG   15:20:29 2015-08-05  უპასუხე   
ირაკლი აცხადებს, რომ კომპანია "აისის" წარმომადგენელია. ეს კომპანია აწარმოებს "გურჯაანის ნაყინს" და არ ეთანხმება იმ მარტივ პროცედურას, რომლითაც ჩვენ ვახორციელებთ პროდუქტების შემოწმებას. კერძოდ, ჩვენ პროდუქტს ვყიდულობთ ჩვეულებრივ მაღაზიებში, ოფიციალურად (შესყიდვის დოკუმენტები საიტზე დევს), ვათავსებთ ყინულებიან მაცივარკონტეინერში და 1 საათის (უფრო ხშირად 1/2 საათის) განმავლობაში ვაბარებთ შესამოწმებლად აკრედიტებულ ლაბორატორიას. ლაბორატორიიდან მიღებულ შედეგებს ვაქვეყნებთ. სულ ეს არის ჩვენი პროცედურა. "აისის" წარმომადგენელი ითხოვს, რომ პროდუქტი უშუალოდ ქარხნიდან ავიღოთ და შევამოწმოთ. ჩვენ ამაზე არ ვთანხმდებით, ვინაიდან მომხმარებლისთვის ასეთ შემოწმებას აზრი არ აქვს. მომხმარებელი ქარხანაში არ იძენს პროდუქტს.

კომპანია "აისმა" ჩვენს მიერ მისი პროდუქციის შემოწმების უკანონოდ მიჩნევის მოთხოვნით სასამართლოსაც მიმართა. პირველი ინსტანციის სასამართლომ მისი მოთხოვნა არ დააკმაყოფილა. ირაკლი აცხადებს, რომ მათ ეს გადაწყვეტილება გაასაჩივრეს. როცა სასამართლო დასრულდება, ჩვენ ყველა გადაწყვეტილებას გამოვაქვეყნებთ.
GOGA ALIASHVILI   22:02:15 2015-08-05  უპასუხე   
ანუ ისიც არ იციით ნამდვილათ არის თუ არა შპს აისის წარმომადგენელიი? გასაკვირია ძაან

lali   18:19:42 2015-08-04  უპასუხე   
გურჯაანის ნაყინს ვთხოვთ ამ წელს გაკეთებული ერთი ანალიზის დასკვნა მაინც დადოს ძაან სირცხვილია!!!

david kutibidze   12:53:03 2015-08-03  უპასუხე   
მოგესალმებით,

"პინგოს" და "პოპის" ნაყინებს ეტიკეტზე აწერიათ, რომ დამზადებულია ნაღების კარაქზე.
გთხოვთ შეამოწმოთ ნამდვილად არის თუ არა დამზადებული ნაღების კარაქზე.

წინასწარ დიდი მადლობა.
lia chelidze   22:21:43 2015-08-03  უპასუხე   
პინგო ვალიოს კარაქზეა დამზადებული!!!!!
Gia   17:08:14 2015-08-03  უპასუხე   
დავით პინგო კი ნაღების კარაქზეა პოპო გააქ წაკითხულიი? თუ ინტრიგანი ხარ და ზეპირად წერ?

Irakli   08:43:28 2015-08-03  უპასუხე   
მივხვდი, რომ დონორის (გრანტის გამცემი) ხსენებამ გაგაღიზიანათ. შერჩევითი შემოწმებისა და მწარმოებლის უსაფუძვლოდ დადანშაულების შესახებ უნდა იცოდეს დონორმა, რომ გაიგოს რას აფინანსებს.
ლევანი   23:09:14 2015-08-03  უპასუხე   
ვერ მიმხვდარხართ კარგად, ამ პროგრამის დონორი გვენდობა ჩვენ და სასამართლოს ;) თქვენ კი, ვატყობ შესაძლოა შეწუხებული იყოთ წაგების გამო კომპანიის კითხვების გამო. მაგრამ როცა საქმე სასამართლოშია, და ეს ასპარეზი ჯერ არ დასრულებულა, არასწორი და არადამაჯერებელია ამ საქმეზე საიტზე გადაჭარბებულად მიკერძოებული კომენტარებით თავის მართლებისა და "სწორედ" წარმოჩინების მცდელობა. სსრკ-ს რუსულ-ბელორუსული "გოსტ"-ების მოქმედებაში საზოგადოებას (ვფიქრობ თქვენს მარწმუნებელ კომპანიასაც) ვერ დაარწმუნებთ.
აქვე შეგახსენებთ, სასამართლოს დარბაზშივე ჩემს სიტყვებსა და შეთავაზებას (რომელიც კვლავ ძალაშია) ერთიანი მიდგომისა და არსებითი ჩამოყალიბებისთვის შეხვედრებისა და დიალოგის თაობაზე. ამ დიალოგის შედეგის მიხედვით როდის და სად განხორციელდება შესყიდვა და ვინ შეამოწმებს ლაბორატორიულად ამ საკითხებს გადაწყვეტს ჩვენი ორგანიზაცია. მხოლოდ ასე იქნება შესაძლებელი ეფექტური დიალოგი მომხმარებელთა უფლებების დაცვისთვის.
Irakli   20:44:31 2015-08-04  უპასუხე   
მე არ ვიცი თქვენ ვის რა შესთავაზეთ, მაგრამ სასამართლო 2014 წლის შემოწმებას შეეხებოდა აქ კი, კომენტარები მიმდინარე წლის შემოწმებაზე იწერება. უბრალოდ თქვენ ახსენებთ სასამართლოს ყოველ მეორე სიტყვაში. თანაც, თუ იურისტი ხართ, საკმაოდ გადაჭარბებული წარმოდგენა გაქვთ შექმნილი პირველი ინსტანციის გადაწყვეტილებაზე, ასეთი დარწმუნებული ნუ იქნები.
ლევანი   16:08:13 2015-08-05  უპასუხე   
ირაკლი ნარმანიას, გურჯაანის ნაყინის მწარმოებელი კომპანიის კიდევ ერთი წარმომადგენლის თანდასწრებით.

Irakli   23:31:46 2015-08-02  უპასუხე   
შემოწმება, რაც ჩაატარეთ, პროცედურისა და პირობების დარღვევით იყო ჩატარებული, რასაც ადგენს სახელმწიფოთაშორისი მინსკის სტანდარტი (რა თქმა უნდა, თქვენ გინდათ ამას თავი აარიდოთ, დარღვევის გადასაფარად).
P.S. არაეთიკური რა იყო ჩემს კომენტარებში?
ლევანი   00:21:16 2015-08-03  უპასუხე   
ეგ თქვენი მოსაზრებაა, თავს უფლებას ნუ მისცემთ ჭეშმარიტების ბოლო ინსტანციად წარსდგეთ, კატეგორიული დასკვნა-განცხადებები აკეთოთ, მითუმეტეს როცა ერთი სასამართლო უკვე წაგებული გაქვთ.
გარდა ამისა, ჩვენს შორის განსხვავება სწორედ ესაა თქვენ ჯიქურ ცდილობთ სსრკ-ს, რუსულ-ბელორუსულ სტანდარტებს დაემორჩილოთ, ჩვენი სახელმწიფო კი ევროკავშირში დამკვიდრებისთვის იღწვის, ეროვნული სტანდარტებიც გვაქვს უკვე 5 წელია, მთელი 5 წელი!!!! აი ეს ქართული სტანდარტები და არა რუსული, ბელორუსული ან სსრკ-ს "გოსტი"
1) სსტ ისო 5538 : 2010 "რძე და რძის პროდურტები. სინჯის აღება. შემოწმება ხარისხობრივი მაჩვენებლების მიხედვით" http://www.geostm.ge/standards/index.php?id_product=2083&controller=product
2) სსტ ისო 707 : 2010 "რძე და რძის ნაწარმი. სახელმძღვანელო სინჯის აღებაზე" http://www.geostm.ge/standards/index.php?id_product=4118&controller=product
Irakli   08:36:10 2015-08-03  უპასუხე   
თქვენი ორგანიზაციის წარმომადგენლებს აისის წარმომადგენლებმა 2014 წლის დავაზე კითხეს სასამართლიში, თუ რომელი სტანდარტით შეამოწმა ქალბატონმა ლიამ. პასუხი იყო საყოფაცხოვრებო ხასიათის. დამატებით გკითხეთ, გამოიყენეთ თუ არა ევროკავშირის სტანდარტი. პასუხი იყო უარყოფითი. აქ უთითებ, რომ ქარული სტანდარტი გაქვთ, რომელიც ქ-ნ ლიას ქმედების გასამართლებლად გინდა გამოიყენო.
ლევანი   22:58:34 2015-08-03  უპასუხე   
ირაკლი, სასამართლოს სხდომაზეც და ახლაც გაგიმეორებ, რომ არასამთავრობო ორგანიზაციას ან მომხმარებელს არ აქვს ნორმატიული აქტით დაკისრებული არანაირი ვალდებულება დაიცვას მწარმოებლისთვის თუ სხვა ბიზნესსუბიექტისთვისისთვის სახელმწიფო სტანდარტებით განსაზრვრული ვალდებულებები.
რაც შეეხება "გოსტ"-ისა და ქართული სტანდარტების არსებობა-გამოყენების საკითხს, აქ, ზემოთ აღნიშნული პოზიციის გამო ამ საკითხის შინაარსში არ შევედით სასამართლო განხილვისას.
ირაკლი, თქვენ მართლა ჯეროვნად ვერ გაქვთ წარმოდგენილი სინჯის აღების სტანდარტი. სინჯის აღბის პროცედურები და ვადები (საათები) იწყება/აითვლება მხოლოდ მას შემდეგ რაც ნაყინის ყუთი (ე.წ. საოჯახოს შემთხვევაში) ან პაკეტი (ე.წ. ჭიქის, სენდვიჩის ან ჯოხიანის შემთხვევაში) გ-ა-ი-ხ-ს-ნ-ე-ბ-ა. თქვენ სასამართლოშიც და ეხლაც ამტკიცებთ რომ პროცედურები და ვადები იწყება პაკეტის გახსნამდეც, მისი შეძენის მომენტიდან, რაც არასწორია, არც ერთ სტანდარტში ეს არ წერია.
სხვათაშორის, მაშინ იმ საქმეზე მხოლოდ ჩვენი ორგანიზაციის დაკვეთით ჩატარებულ კვლევებს არ დაუდატურებია ბაქტერიოლოგიური დაბინძურება, ეს დაადასტურა სურსათის ეროვნული სააგენტოს შემოწმებამაც.
ისე გამოგყავთ თითქოს ყველა, სახელმწიფო, არასამთავრობო, დონორი და მომხმარებელიც მტყუანია თქვენს წინაშე, ყველა შეთქმულია - რაც ასე არ არის. ამის დასტურია სხვა პროდუქტებისა თუ მწარმოებლების მიმართ ორგანიზაციის დაკვეთით ჩატარებული კვლევის შედეგები. ასე, რომ ქალბატონ ლიან და ჩვენს ორგანიზაციას გამართლება არ სჭირდება, როგორც ვმუშაობდით ასევე ვაგრძელებთ მომხმარებელთა ინტერესებიც დაცვას, ობიექტურად და სამართლიანად. სასამართლოშიც დავიცავთ ჩვენს პოზიციას და თუკი შეცდომას დავუშვებთ მისი ღირსეულად აღიარება, გამოსწორება და ბოდიშის ოხდაც არ გვეთაკილება.
Irakli   20:53:31 2015-08-04  უპასუხე   
ჯიუტად იმეორებთ ერთიდაიგივეს, ვინ გითხრათ მწარმოებლის სტანდარტი დაიცავიო? ჩვენ გეუბნებით, რომ თქვენ ვალდებული ხართ დაიცვათ ნიმუშის აღების, შეფუთვის, ტრანსპორტირებისა და მსგავსი საქმიანობის მარეგულირებელი სტანდარტი. თქვენი პოზიციაა, რომ რადგანაც არასამთავრობო ორვანიზაცია ხართ, არაფრის დაცვა არ გევალებათ.
P.S. მეტს ვერაფერს გეტყვით, თავისუფალი მე მხოლოდ "გიჟი" ვიცი.
ლევანი   16:05:48 2015-08-05  უპასუხე   
ეგ ალბათ სსრკ, რუსულ-ბელორუსული "გოსტით" :)
Irakli   20:03:34 2015-08-05  უპასუხე   
თქვენთვის რა მნიშვნელობა აქვს, არცერთს არ იცავთ :-)

ლევანი   23:08:23 2015-08-02  უპასუხე   
ირაკლი, სასამართლო გადაწყვეტილება რა შუაშია. თქვენი მთელი სარჩელი სწორეედ და მხოლოდ იმ საკითხებზე აპელირებდით რომ სსრკ-ს "გოსტი" არ დაიცვა ცენტრმა და ითვლიდით საათებსა და წუთებს. როგორც იურისტმა, უნდა იცოდეთ, რომ სასამართლო სარჩელზე მსჯელობისას მსჯელობს მასში ჩამოყალიბებულ ყველა საკითხზე, სხვა შემთხვევაში შესაძლოა ეს გასაჩივრებისა თუ გადაწყვეტილების საფუძვალად კი იქცეს. ასე რომ, ადვოკატს მარცხის მიუხედავად საქმის ცივი გონებით განსჯა და ქმედება მართებს; მარცხსაც ღირსეულად უნდა შეხვდეს და იმ მარცხში საკუთარი შეცდომები თუ წვლილიც დაინახოს. თანაც არც ეთიკურობის შენარჩუნება იქნებოდა ურიგო, მე რა უნდა ვიცოდე და რა არა, სხვას რომ თავი დავანებოთ, სასამართლო განხილვამ და გადაწყვეტილებამ დაგიდასტურათ. ;)

Irakli   22:22:33 2015-08-02  უპასუხე   
თქვენი საბოლოო პოზიცია ვერ გავიგე, ქარხნიდან ნიმუშის აღებაზე რატომ არ ხართ თანახმა (თუ ობიექტურ კვლევებს ატარებთ)? როცა რაღაცას დამალავთ, აღმოჩნდება რომ "შეგეშალათ"... თუ ასე გააგრძელებთ, მაშინ აუცილებლად ვაცნობებთ გრანტის გამცემს და მაშინ გაირკვევა, რამდენად კვალიფიციურად ამზადებთ დასკვნებს (ანდა პასკვილებს)!:-)
ლევანი   22:58:43 2015-08-02  უპასუხე   
ირაკლი, მგონი თქვენ ხართ დავის მხარის, გურჯაანის ნაყინის მწარმოებელი შპს „აისი“-ს ადვოკატი, რომელმაც მოამზადა სარჩელი, წარადგინა სასამართლოში და ეს საქმე წააგო. თქვენ ვერ იქნებით ობიექტური და ეს გასაგებია, მაგრამ კლიენტის წინაშე თავის სამართლებლად ასეთი ქმედებები და შეფასებები უხერხული და არაეთიკურია - თქვენ ხომ აირჩიეთ სამართლებრივი გზა, ხომ მიმართეთ სასამართლოს, ხომ წააგეთ, ჰოდა გააგრძელეთ, გაასაჩივრეთ სასმართლოს გადაწყვეტილება.
P.S. ისე, დონორისთვის წერილის მიწერას რომ ამბობთ სასამართლოს გადაწყვეტილების დართვაც არ დაგავიწყდეთ. დონორი დასკვნების კვალიფიციურობას ვერ ამოწმებს და ვერც თქვენ გენდობათ.
P.P.S. ჩვენს მიერ საექსპერტო დაწესებულების დასკვნებზე დაყრდნობით მომზადებული ინფორმაცია თუ პასკვილია, თქვენს მიერ სსრკ-ს, რუსულ-ბელორუსულ "გოსტ"-ის გამოყტენებით მომზადებული და სასამართლოში წარდგენილ სარჩელს რა დავარქვათ სახელად? ;)
Irakli   23:13:12 2015-08-02  უპასუხე   
ეკონომიკის სამინისტროს სსიპ-მა გვიპასუხა, რომ "გოსტი" მოქმედებდა. ეს ჩემი არჩევანი არ ყოფილა.
P.S. ეს წერილი სასამართლო საქმეშია და შეგიძლიათწაიკითხოთ.
ლევანი   23:24:11 2015-08-02  უპასუხე   
ირაკლი, კომპეტენციისა თუ ინფორმაციის ნაკლებობის გამო ადრესატი რომ აგერიათ სწორედ მაგას ვამბობ. იმ არასწორმა ადრესატმა რომ "დაგაკვალიანათ" და შეცდომაში შეგიყვანათ იმას ვჩივი. ეკონომიკისა და მდგრადი განვითარების სამინისტროს სისტემაში შედის ორივე სსიპ: საქართველოს სტნადარტებისა და მეტროლოგიის ეროვნული სააგენტოც და აკრედიტაციის ერთიანი ეროვნული ორგანო – აკრედიტაციის ცენტრიც, ეგაა რომ განსხვავებული ფუნქციები აქვთ ჩემო კარგო. დებულებები მაინც გენახათ სანამ მიმართავდით წერილობით და ისინიც შეცდომას დაგაშვებინებდნენ. სასამართლოს საქმეში რომ არის კი ვიცი, მერა რა, ამით ლეგიტიმაცია მიეცემა? ;)
Irakli   23:37:14 2015-08-02  უპასუხე   
ორივე უწყებას მივმართეთ, ასე რომ არაფერი აგვრევია.
P.S. თავად ხომ კომპეტენციის სიმდიდრით გამოირჩევი, წარმოადგინე იმ მეორე ორგანიზაციის ოფიციალური დოკუმენტი
ლევანი   00:07:58 2015-08-03  უპასუხე   
ჰო, კიდევ. თვალს თუ გადაავლებთ ჩემს კომენტარებს თავაზიანობისა და ეთიკის ელემენტარულ ნორმებს არ გადავსულვარ, ასე გამზარდეს მშობლებმა, რომ უცხო ადამიანტან საჯარო სივრცეში თავაზიანი იყავი და მის ღირსებასაც პატივი ეციო. მგონი ირაკლი უნდა იყოთ ნარმანია და ჩვენ არც მეგობრობა და მითუმეტეს არც ხანგრძლივი ნაცნობობა გვაკავშირებს, რომ შენობითზე გადასვლით ვცადოთ ღირსების დაკნინება. მეც წამიგია პროცესი, ეგ არაფერია. მთავარი მარცხის ღირსეულად მიღება-გაანალიზება და ღირსების შენარჩუნებაა.
Irakli   08:53:42 2015-08-03  უპასუხე   
სხვა, ობიექტურ ადამიანს წააკითხეთ თქვენი კომენტარები და ის მოგახსენებთ თქვენი კორექტულობისა თუ თავაზიანობის შესახებ.
ლევანი   00:00:32 2015-08-03  უპასუხე   
ირაკლი, სარჩელი და სასარჩელო მოთხოვნის საფუძვლიანობის დასადასტურებელი მტკიცებულებები თუ რეგულაციები მოსარჩელის საზრუნავია და არა მოპასუხის. ჩვენი მხარე კი სწორედ მოპასუხე იყო ;)
აქვე სამგან დავდე ლინკი იმ ქართული სტანდარტებისა და ეხლა კიდევ ერთხელ გაახლებთ ;)
1) სსტ ისო 5538 : 2010 "რძე და რძის პროდურტები. სინჯის აღება. შემოწმება ხარისხობრივი მაჩვენებლების მიხედვით" http://www.geostm.ge/standards/index.php?id_product=2083&controller=product
2) სსტ ისო 707 : 2010 "რძე და რძის ნაწარმი. სახელმძღვანელო სინჯის აღებაზე" http://www.geostm.ge/standards/index.php?id_product=4118&controller=product
Irakli   23:06:59 2015-08-02  უპასუხე   
არ ინერვიულოთ, უკვე გასაჩივრებულია.
ლევანი   23:17:59 2015-08-02  უპასუხე   
ჰოდა, ეგრე არ სჯობს? სანამ არ შეგახსენეთ მანამდე სიტყვა არ გითქვამთ რომ სასამართლო უკვე წაგებული გაქვთ ორიოდ თვის წინ ;) ეგრე გააგრძელეთ, სამართლებრივი გზა თუ აირჩიეთ ბოლომდე უნდა მისდიოთ. თანაც არ ინერვიულოთ, ემოციებს არ აჰყვეთ, შეინარჩუნოთ და გაუფრთხილდეთ საკუთარ და სხვის ღირსებასაც და იმოქმედოთ ეთიკის ფარგლებში.

ლევანი   19:19:22 2015-08-02  უპასუხე   
ირაკლი, თქვენ ყველაზე კარგად უნდა იცოდეთ, რომ ჩვენი ობიექტურობა სასამართლომ, თბილისის საქალაქო სასამართლოს სამოქალაქო საქმეთა კოლეგიის მოსამართლე თ.ურთმელიძემ დაადასტურა, როცა 6 ივნისს თქვენ სარჩელის დაკმაყოფილებაზე უარი გითხრათ. ეს საქმე ჩვენ მოვიგეთ და ამით ყველაფერია ნათქვამი. სხვათაშორის ზუსტად იგივეს გვედავებოდით: პროცედურების დაუცველად ჩატარდა კვლევა და წუთებს ითვლიდით ყოფილი სსრკ, რუსეთსა და ბელორუსში მოქმედი სტანდარტის მიხედვით, მაშინ როცა 2010 წლიდან მინიმუმ 2 ქართული სტანდარტი არსებობს:
1) სსტ ისო 5538 : 2010 "რძე და რძის პროდურტები. სინჯის აღება. შემოწმება ხარისხობრივი მაჩვენებლების მიხედვით" http://www.geostm.ge/standards/index.php?id_product=2083&controller=product
2) სსტ ისო 707 : 2010 "რძე და რძის ნაწარმი. სახელმძღვანელო სინჯის აღებაზე" http://www.geostm.ge/standards/index.php?id_product=4118&controller=product

ჩვენ გონივრულობის ფარგლებში ვაწარმოებდით და ვაწარმოებთ კვლევებს, ვიცავდით და დავიცავთ მომხმარებელთა (პირველ რიგში) და ბიზნესის ინტერესებსაც
Irakli   22:50:07 2015-08-02  უპასუხე   
ლევან, როგორც იურისტს კარგად უნდა გესმოდეს, რომ სასამართლოში დავის საგანი იყო გავრცელებული ინფორმაციის უარყოფა და არა ის, რაც აქ დაწერე. სასამართლომ კი ინფორმაციის უარყოფა იმის გამო არ დაგავალათ, რომ მეწარმეს მიეცა საკუთარი მოსაზრების დაფიქსირების შესაძლებლობა. ეს იყო და ეს. თანაც მიუთითა, "სამოქალაქო საზოგადოება უნდა იყოს მოდარაჯე ნაგაზის როლში, რომ არ დაუშვას მეწარმის დაუდევრობა".
P.S. რამდენად კორექტულია სასამართლო გაგადაწყვეტილების დასაბუთებაში ამის მითითება?
ლევანი   23:09:45 2015-08-02  უპასუხე   
ირაკლი, სასამართლო გადაწყვეტილება რა შუაშია. თქვენი მთელი სარჩელი სწორეედ და მხოლოდ იმ საკითხებზე აპელირებდით რომ სსრკ-ს "გოსტი" არ დაიცვა ცენტრმა და ითვლიდით საათებსა და წუთებს. როგორც იურისტმა, უნდა იცოდეთ, რომ სასამართლო სარჩელზე მსჯელობისას მსჯელობს მასში ჩამოყალიბებულ ყველა საკითხზე, სხვა შემთხვევაში შესაძლოა ეს გასაჩივრებისა თუ გადაწყვეტილების საფუძვალად კი იქცეს. ასე რომ, ადვოკატს მარცხის მიუხედავად საქმის ცივი გონებით განსჯა და ქმედება მართებს; მარცხსაც ღირსეულად უნდა შეხვდეს და იმ მარცხში საკუთარი შეცდომები თუ წვლილიც დაინახოს. თანაც არც ეთიკურობის შენარჩუნება იქნებოდა ურიგო, მე რა უნდა ვიცოდე და რა არა, სხვას რომ თავი დავანებოთ, სასამართლო განხილვამ და გადაწყვეტილებამ დაგიდასტურათ. ;)
Irakli   23:53:24 2015-08-02  უპასუხე   
ესაა პირველი ინსტანციის სასამართლოს გადაწყვეტილება, რომელიც ძალაში არ შესულა.თანაც, დავის საგანი არის სხვა და არა ის, რასაც აქ წერთ. მე თან არ მაქვს ეს გადაწყვეტილება, თორემ ავტვირთავდი.
P.S. ჯერ საკუთარი კომენტარები წაიკითხეთ, შემდეგ ჩემი და ალბათ მიხვდებით, რომელია არაეთიკური.
ლევანი   00:14:12 2015-08-03  უპასუხე   
მერედა სადმე წერია, რომ ეს არ არის პირველი ინსტანციის სასამართლოს გადაწყვეტილება, ან ძალაშია შესულიო? ან რა არის დავის საგანი ის წერია სადმე? მხოლოდ იმას მივანიშნებ რომ სარჩელში სსრკ-ს "გოსტ“-ზე, ამ "გოსტის" წესების დაუცველობაზე და საათ-წუთობრივ გაანგარიშებებზე არის საუბარი სარჩელში.
Irakli   22:02:00 2015-08-02  უპასუხე   
სასამართლოზე როცა გკითხეთ, რა სტანდარტით მოახდინეთ შემოწმება, აღმოჩნდა რომ არცერთ სტანდარტს არ იყენებდით და თქვენ მიუთითეთ საყოფაცხოვრებო ურთიერთობებზე (ჩემი თუ არ გჯერათ, სხდომის ოქმს მოუსმინეთ). თქვენს მიერ დღეს მითითებული "სტანდარტი" მოფიქრებულია ქალბატონ ლიას ქმედების გასამართლებლად. სინამდვილეში თქვენ არცერთ სტანდარტს არ იცავთ.
ლევანი   22:49:45 2015-08-02  უპასუხე   
ირაკლი, სტანდარტების დაცვა არასამთავრობო ორგანიზაციის ვალდებულება (ეს სასამართლომაც ხომ გითხრათ ;) ) არ არის, იგი უნდა დაიცვას მწარმოებელმა, გამყიდველმა, ლაბორატორიამ ... ისე საბჭოთა "გოსტი"-ს დაცვა არავის ვალდებულება არ არის, იმიტომ რომ ფარატინა ქაღალდია, დიდი ხანია 2010 წლიდან ეროვნული სტანდარტები მოქმედებს ;)
Irakli   23:03:01 2015-08-02  უპასუხე   
სტანდარტის დაცვა ევალება ყველას, ვინც კი რამეს აკეთებს. თქვენ ვალდებული ხართ შემოწმების დროს დაიცვათ ნიმუშის აღების, შეფუთვის, ტრანსპორტირების და მსგავსი საკითხების მარეგულირებელი სტანდარტი.
ლევანი   23:13:06 2015-08-02  უპასუხე   
ჰო, აი ეს კი ნამდვილად ახალია. ამავე ლოგიკით მომხმარებელსაც ევალება სტანდარტის დაცვა, ეს სსრკ-ს, რუსულ-ბელორუსული "გოსტ"-ით არის გათვალისწინებული ალბათ. ეროვნულში კი ასეთი არაფერი წერია.
Irakli   21:23:17 2015-08-02  უპასუხე   
აკრედიტაციის ეროვნულმა ცენტრმა ოფიციალური წერილით გვიპასუხა, რომ ჩემს მიერ აქ მითითებული "გოსტი" მოქმედებს. ამდენად, თქვენს მიერ მითითებულ სტანდარტზე ვერაფერს გეტყვით.
ლევანი   22:45:23 2015-08-02  უპასუხე   
აკრედიტაციის ცენტრი რა შუაშია როცა სტანდარტებს სულ სხვა, საქართველოს სტნადარტებისა და მეტროლოგიის ეროვნული სააგენტო ადგენს? პრობლემაც სწორედ ისაა რომ ადრესატი ვერ შეარჩიეთ და უფრო დიდი პრობლემა კი ის რომ იმ არასწორმა ადრესატმა მის კომპეტენციის მიღმა მყოფ საკითხზე გიპასუხათ, თანაც შეცდომით

ლია, CSRDG   10:53:16 2015-08-02  უპასუხე   
კომენტარი წაიშალა ადმინისტრატორის სახელის გამოყენების და ცრუ ინფორმაციის გავრცელების გამო



naniko   23:30:41 2015-08-01  უპასუხე   
ირაკლი მოგესალმებით.შეგიძლიათ თქვენი საკონტაქტო ნომერი ან მეილი მომწეროთ თუ არის შესაძლებელი?
Irakli   22:37:09 2015-08-02  უპასუხე   
სამწუხაროდ, აქ ვერ დავწერ...

lia chelidze   15:01:40 2015-08-01  უპასუხე   
დამისახელეთ რომელი კომპანიის ნაყინი არის არა ნატურალური?

kuka   14:38:00 2015-08-01  უპასუხე   

სანამ ერთს არ დასჯი, სანამ კონტროლი და სიმკაცრე არ იქნება, სანამ ჯარიმები არ იქნება მინ:1000 დოლარი და ზევით, სანამ ნახევარი სიცოცხლე ციხეს არ მიუსჯი, მანამდე არაფერს არაფერი ეშველება ამ ქვეყანაში!!!

Tamara   10:49:26 2015-08-01  უპასუხე   
შევიძინე თოლიას საოჯახო ნაყინი(1კგ), მომელსაც ჰქონდა უსაზიზგრესი გემო(ლითონის თუ რაღაცის), თოლიას ნაყინს ხშირად მივირთმევდი,რადგან ვენდობოდი და მისი პროდუქტის ხარისხზე კარგი წარმოდგენა მქონდა, თუმცა ამ შემთხვევამ აზრი შემაცვლევინა.

lika   10:01:38 2015-08-01  უპასუხე   
გურჯაანის ნაყინს მივმართავ!!! დაარწმუნეთ ხალხი რომ ზრუნავთ მათ ჯანმრთელობაზე და ატვირთეთ ამ გვერდზე ყველა ის ლაბორატორიის დასკვნა რაც გაქვთ ამ წელს ჩატარებული დიდი პრობლემააა???

igor   01:29:08 2015-08-01  უპასუხე   
სისულელეა გურჯაანის ნაყინს ყოველ წელს ტენიან ასეთ და ამაზე უარეს ბრალდებებს რადგან ყველაზე გემრიელი ნაყინია და ბევრ კომპანიას სურს მისი ჩაძირვა. რაც მართლა გემრიელია (გურჯაანის ნაყინი) ხალხს ამაზე არ უკეთებთ რეკომენდაციას რაღაც ბანძი პოპი და პინგო და რაღაც უცნაურობებს ამსნეთ ხალხს, სად იყო ამდენი კომპანიები როცა გურჯაანის ნაყინი ბაზარზე ლიდერობდა და ლიდერობს კიდეც თავის ხარისხით ხალხი ბავშვებს აჭმევს ამ ნაყინს რადგან ნატურალურია და თქვენ ათასი სისულელეებით უტენით თავს ხალხს. ვითომ ლაბორატორია ერთი ფულიანი ძიას სურვილი ვაი თქვენს პატრონს
aniuta   09:42:14 2015-08-01  უპასუხე   
იგოოორ რა ყლეობებს ლაპარაკობ დაფიქრდი ცოტა!!!

levani namoradze   01:16:23 2015-08-01  უპასუხე   
მე პირადად და ჩემი ოჯახი ხშირად მივირთმევთ გურჯაანის ნაყინს რადგან ვიცით შემოწმებულია და ყველა სტანდარტს აკმაყოფილებს ყველაზე ნატურალური ნაყინი ნატურალურ პროდუქტებზე დამზადებული და ნამდვილად ლიდერი ნაყინებს შორის მაგრამ ხალხო ამხელა პანიკას რატომ ქმნით თუ ვინმეს რომელიმე კომპაანისს ჩაძირვა სურს ეგ სხვა თემააა ხალხს რატო ურევთ გემოვნების გზა კვალს მაგრამ ხალხმა უკეთ იცის რა უნდა მიირთვან ეს რასაც ეს საიტი წერს აფსურდია

Irakli   23:34:05 2015-07-31  უპასუხე   
ხართ თუ არა თანახმა, ნიმუშები ქარხნიდან იქნეს აღებული შესამოწმებლად (თუნდაც თქვენი მოულოდნელი ვიზიტის შედეგად)?
ლია, CSRDG   17:46:47 2015-08-02  უპასუხე   
ირაკლი, ჩვენ მომხმარებლის ინტერესებს ვიცავთ. ქარხანაში რაც უნდა სუფთა იყოს პროდუქტი, თუ ის მომხმარებლამდე დაბინძურებული მიდის, ეს ნიშნავს რომ წარმოება-მიწოდების ჯაჭვში რაღაც გამოსასწორებელია. იმისთვის რომ გამოირკვეს რა ხდება და ვინაა დამნაშავე, საჭიროა მოულოდნელი შემოწმებები არა მხოლოდ თქვენს ქარხანაში, არამედ დისტრიბუტორებთანაც და მაღაზიებშიც. ჩვენ არ გვაქვს ამის უფლებამოსილება. წერილები გაგზავნილია და იმედია იქონიებენ რეაგირებას. შედეგებს ცხადია გამოვაქვეყნებთ.

თუმცა შეგახსენებთ, რომ კანონით მეწარმეა პასუხისმგებელი უზრუნველყოს თავისი პროდუქტის უვნებლობა მომხმარებლისთვის. თუკი მიგაჩნიათ, რომ პროდუქტს მაღაზიები აბინძურებენ, ნუ დაუშვებთ თქვენი პროდუქტის გაყიდვას ასეთ მაღაზიებში.
Irakli   21:44:56 2015-08-02  უპასუხე   
საბაზრო ეკონომიკის პირობებში როგორ წარმოგიდგენიათ, მწარმოებელმა ყველა მაღაზიაში გააკონტროლოს, თუ რა პროდუქტი იყიდება? ან იქნებ კანონზე მიმითითოთ, რომელიც მწარმოებელს მსგავს ვალდებულებას აკისრებს ?
დიმიტრი კენჭაძე   23:39:04 2015-07-31  უპასუხე   
ირაკლი რატო არიდებთ თქვენი შეკითხვის პასუხებს პასუხს??? კონკრეტული კითხვა იყო ძაან
Irakli   23:47:59 2015-07-31  უპასუხე   
რომელ კითხვას გულისხმობთ?
დიმიტრი კენჭაძე   23:57:03 2015-07-31  უპასუხე   
ეს არის თქვენი კითხვა!
Irakli 14:40:35 2015-07-31 უპასუხე

ამ "შეცდომის" გასწორებას თუ აპირებთ თქვენს მიერ მედიით გავრცელებულ ინფორმაციაში?
ladi   23:53:00 2015-07-31  უპასუხე   
ირაკლი მაინტერესებს მე და ზოგადათ ხალხს წელს თუ გაქვთ თქვენი ნაყინი შემოწმებული???
lrakli   00:09:38 2015-08-01  უპასუხე   
მუდმივად ხდება შემოწმება, მათ შორის, საექსპერტო დაწესებულებებში. ისე, საწარმოს საკუთარი ლაბორატორია აქვს ქარხანაში, სადაც ქსელში გაშვებამდე მოწმდება პროდუქტი.
BADRI   08:57:25 2015-08-01  უპასუხე   
სხვადასხვა საექსპერტო დასკვნებიდან ერთი ანალიზის პასუხი რო ატვირთოთ ამ კვლევებამდე შეგიძლიათ???

ნინა   15:44:43 2015-07-31  უპასუხე   
მე პირადად მხოლოდ გურაანის ნაყინებს ვჭამ-არ დაიჯეროთ,რომ ამ ნაყინს ვისნმესთვუს ზიანის მიყენება შეუძლია--ეს არის ყველაზე გემრიელუ,ყველაზე ნატურალური და სუფთა ნაყინი ჩემის აზრით

lela   15:40:37 2015-07-31  უპასუხე   
თქვენ წერთ,რომ ქარხნულად დახუფულ პროდუქტში კოლიფორმების აღმოჩენა პროდუქტის წარმოების პროცესში ჰიგიენის დარღვევაზე მიუთითებს და მომხმარებლის ჯანმრთელობისათვის უშუალო საფრთხესთან დაკავშირებული არ არის.
თუ ეს წარმოებაში ჰიგიენის დარღვევის მანიშნებელია,მაშინ წარმოებიდან აიღეთ ნიმუშები-ეს იქნება ობიექტური კვლევა

ქალი   15:15:11 2015-07-31  უპასუხე   
ერთი შეუშვით ზღაპარში კომისია, შეამოწმონ შენახვის პირობები.მაცივრებს თუ იშავენ ღამე, ძეხვი ვიყიდეთ რამოდენიმე დღის წინ და არ იყო ახალი, გამხმარი იყო. სახლში რომ მოვიტანეთ მერე ვნახეთ. ისტერიკები არ მოვაწყეთ, ეხლა ვნანობ!

გიორგი   14:59:26 2015-07-31  უპასუხე   
როგორც ვატყობ ბევრს არ მოეწონა პასუხები.ამდენ ყვირილს თქვენც შეამოწმეთ და დაგვიმტკიცეთ რ ყველაფერს სუფთდ ამზადებთ.თუ არასწორად შემოწმდა ბოდიშს მოიხდიან, თუ თქვენ ცდებით და ბოდიშს მოიხდით და გამოასწორებთ შეცდომას.მანამდე თქვენს ნაყინს ამ მონაცემებზე დაყრდნობით არ შევჭამთ :)

თეა   14:54:27 2015-07-31  უპასუხე   
დიდი ხანია თქვენი კვლევის აღარავის ჯერა, ვის ჩაძირვასაც გადაწყვეტთ იმათ პროდუქტში ნახულობთ კოლიფორმებს... მოგეკითხებათ აუცილებლად ერთ დღეს თქვენც ...

sali   13:20:43 2015-07-31  უპასუხე   
მე ძალიან მიყვარს გურჯაანის ნაყინი,დამეთანხმებით რომ ყველაზე გემრიელია და ნატურალურ პროდუქტებზეა დამზადებული,გასაკვირია ყოველწლიურად ერთი და იგივე დროს მიზანმიმართულად რატომ უტევენ ამ კომპანიას.

lela   13:06:47 2015-07-31  უპასუხე   
თქვენ წერთ,რომ ქარხნულად დახუფულ პროდუქტში კოლიფორმების აღმოჩენა პროდუქტის წარმოების პროცესში ჰიგიენის დარღვევაზე მიუთითებს და მომხმარებლის ჯანმრთელობისათვის უშუალო საფრთხესთან დაკავშირებული არ არის.
თუ ეს წარმოებაში ჰიგიენის დარღვევის მანიშნებელია,მაშინ წარმოებიდან აიღეთ ნიმუშები-ეს იქნება ობიექტური კვლევა

Lali   13:00:41 2015-07-31  უპასუხე   
ყოველ წელს ერთი და იგივე.წლევანდელი თქვენი მცდელობა სახელი შეულახოთ "გურჯაანი ნაყინს"- ადასტურებს თქვენს სუბიექტურ მიდგომას შპს „აისის“ პროდუქტების მიმართ, რომელსაც უკვე რამდენიმე წელია მიზანმიმართულად ასრულებთ. 2014 წელს იგივე კვლევა ჩაატარეთ, სადაც სახელმწიფოთაშორისო სტანდარტი არ დაიცავით ნიმუშის აღების, ტრანსპორტირებისა და ტემპერატურული რეჟიმის დაცვის მიმართ (გახსოვთ ალბათ, რომ ნიმუშები ივნის-ივლისში ცელოფნის პარკეპით გადაიტანეთ შესამოწმებლად და 11 დღის შემდეგ ჩაატარეთ ერთ-ერთი შემოწმება). ჩვენი ძალისხმევის შედეგად, უკვე ამ სტანდარტს იცავთ, მაგრამ აშკარად ჩანს თქვენი ინტერესი. უცნობია მაღაზია "ზღაპარი" რა პირობებში ყიდის პროდუქტს ან/და მაღაზიამდე რა მდგომარეობაში მოხდა გადატანა. მწარმოებლის დადანაშაულება ასეთ შემთხვევაში არ არის მართებული. თუ თქვენ ობიექტური კვლევა გაინტერესებთ, ნიმუშის აღება უნდა მოხდეს უშუალოდ ქარხნიდან.
სამწუხაროა, რომ ევროკავშირი ასეთ არაკვალიფიციურ კვლევებს აფინანსებს!
ლია, CSRDG   13:11:54 2015-07-31  უპასუხე   
ლალი, ნაყინები ჩვენ ლაბორატორიაში ყოველთვის გადაგვქონდა მაცივარკონტეინერით, უბრალოდ ადრე ლაბორატორიას არ ვთხოვდით ამ ფაქტის დადასტურებას. მას შემდეგ რაც შპს "აისის" წარმომადგენლებმა ამ პროცედურაში ეჭვი შეიტანა, ვითხოვთ ლაბორატორიამ კონტეინერის არსებობა და ჩაბარებული ნაყინის ტემპერატურა დასკვნაში მიუთითოს.

11 დღის შემდეგ გადამოწმდა რეფერენტული ნიმუში, რომელიც მანამდე -28 გრადუს ცელსიუს ტემპერატურაზე, სპეციალურად რეფერენტული ნიმუშებისთვის შეძენილ დახლ-მაცივარში ინახებოდა. გადამოწმების საჭიროება წარმოიშვა იმის გამო, რომ ორ სხვადასხვა ლაბორატორიაში მიტანილი ნიმუშების შემოწმების შედეგები განსხვავებული იყო. ასეთ შემთხვევებში ყოველთვის მოწმდება ძირითად ნიმუშებთან ერთად აღებული და შენახვის პირობებით გათვალისწინებულ ტემპერატურაზე შენახული რეფერენტული ნიმუში.

ჩვენ პროდუქტს ვიძენთ იქ, სადაც იძენს მომხმარებელი. ქარხანაში მომხმარებელი პროდუქტს არ იძენს. რა თქმა უნდა შესაძლებელია, რომ მიკრობის გამრავლება მაღაზიაში მისი შენახვის პირობების დარღვევით არის გამოწვეული. თუმცა მისი დაბინძურება მაღაზიაში ვერ მოხდებოდა - პროდუქტი მყარ კონტეინერშია მოთავსებული და ჰერმეტულად დახუფული.
Irakli   14:48:15 2015-07-31  უპასუხე   
თუ უშუალოდ ქარხნიდან არ ხდება ნიმუშის აღება შემოწმებისათვის, მაშინ გავრცელებულ ინფორმაციას უნდა ახლდეს საინფორმაციო შინაარსის ტექსტი, რომ დაბინძურება შესაძლებელია გამოწვეული იყოს ... (დასახელებული უნდა იყოს დაბინურების გამომწვევი შესაძლო მიზეზები). სამწუხაროდ, თქვენს მიერ მხოლოდ მწარმოებლის დადანაშაულება ხდება. თანაც, პროდუქტს შეიძენთ სადღაც"ჯიხურში", იქ კი რა პირობებია უცნობია. ამის გამო ჩნდება კითხვები თქვენი კვლევის მიკერძოებულობაზე.

lia chelidze   12:47:46 2015-07-31  უპასუხე   
საინტერესოა როგორ მიხვდით, რომ შეცდომა გაგეპარათ?

Irakli   00:47:24 2015-07-31  უპასუხე   
გამოქვეყნებულ ინფორმაციაში წერთ: ლაბორატორიიდან მიღებული პასუხების მიხედვით ნაყინის "საოჯახო ვანილი პინგო" მიკრობიოლოგიური პარამეტრები ნორმაშია; თუმცა, საპირისპირო დასტურდება ატვირთული დასკვნით: "საოჯახო ვანილი პინგო" აღმოჩნდა დაბინძურებული კოლიფორმებით ანუ ზუსტად იდენტური დასკვნაა როგორც "პლომბირი გურჯაანის ნაყინი"; რითი ავხსნათ თქვენი ეს ქმედება?!
file_760206.pdf
Irakli   14:40:35 2015-07-31  უპასუხე   
ამ "შეცდომის" გასწორებას თუ აპირებთ თქვენს მიერ მედიით გავრცელებულ ინფორმაციაში?
ლია, CSRDG   07:41:30 2015-08-01  უპასუხე   
ამ შემოწმების პასუხებზე ვისაუბრე მხოლოდ პალიტრის გადაცემა "საქმეში". "პინგოს" მოხსენიება გამომრჩა. ვთხოვეთ პალიტრას იგივე საშუალებით გაავრცელოს გასწორებული ინფორმაცია. სამწუხაროდ "საქმე" სექტემბრამდე არდადეგებზეა. ამიტომ მათმა სააგენტომ გამოაქვეყნა გასწორებული ინფორმაცია თავის ვებ-გვერდზე. თუ თქვენი მოთხოვნა იქნება, ინტერვიუსაც ჩაწერენ ჩემთან, სადაც ამ ყოველივეს მოვყვები.
ლია, CSRDG   14:56:30 2015-07-31  უპასუხე   
მივწერეთ პალიტრა-ტვ-ს დამატებით გაავრცელონ ეს ინფორმაციაც. სხვაგან ჩვენ ინფორმაცია არ გაგვივრცელებია.
ლია, CSRDG   12:26:40 2015-07-31  უპასუხე   
მადლობთ შენიშვნისთვის. სტატიის მომზადებისას გაიპარა ეს შეცდომა. გავასწორეთ.

Irakli   1  00:28:43 2015-07-31  უპასუხე   
ხუთი სახეობის ნაყინი შეძენილი გაქვთ სუპერმარკეტებში ("ფრესკო", "გუდვილი საბურთალოზე" და "ნიკორა“), ხოლო მეექვსე მაღაზია "ზღაპარში" (სადაც აღმოჩნდა ე.წ. დაბინძურება). რატომ არ მოხდა ამ მეექვსე პროდუქტის შეძენა იმავე სუპერმარკეტებში და რატომ შეირჩა მაღაზია "ზღაპარი"?! ეს ადასტურებს თქვენს სუბიექტურ მიდგომას შპს „აისის“ პროდუქტების მიმართ, რომელსაც უკვე რამდენიმე წელია მიზანმიმართულად ასრულებთ. 2014 წელს იგივე კვლევა ჩაატარეთ, სადაც სახელმწიფოთაშორისო სტანდარტი არ დაიცავით ნიმუშის აღების, ტრანსპორტირებისა და ტემპერატურული რეჟიმის დაცვის მიმართ (გახსოვთ ალბათ, რომ ნიმუშები ივნის-ივლისში ცელოფნის პარკეპით გადაიტანეთ შესამოწმებლად და 11 დღის შემდეგ ჩაატარეთ ერთ-ერთი შემოწმება). ჩვენი ძალისხმევის შედეგად, უკვე ამ სტანდარტს იცავთ, მაგრამ აშკარად ჩანს თქვენი ინტერესი. უცნობია მაღაზია "ზღაპარი" რა პირობებში ყიდის პროდუქტს ან/და მაღაზიამდე რა მდგომარეობაში მოხდა გადატანა. მწარმოებლის დადანაშაულება ასეთ შემთხვევაში არ არის მართებული. თუ თქვენ ობიექტური კვლევა გაინტერესებთ, ნიმუშის აღება უნდა მოხდეს უშუალოდ ქარხნიდან.
სამწუხაროა, რომ ევროკავშირი ასეთ არაკვალიფიციურ კვლევებს აფინანსებს!
ნიკა   14:29:23 2015-07-31  უპასუხე   
ირაკლი თვენც არასამთავრობო ხართ თუ რომელიმე კომპანიის წარმომადგენელი?
Irakli   14:38:28 2015-07-31  უპასუხე   
მე შპს "აისის" წარმომადგენელი ვარ.
ლია, CSRDG   12:38:07 2015-07-31  უპასუხე   
არ იყო გურჯაანის ნაყინი იმ სუპერმარკეტებში, სადაც სხვა ნაყინები შევიძინეთ. ამიტომ შევიძინეთ სხვაგან.

ნაყინები ჩვენ ლაბორატორიაში ყოველთვის გადაგვქონდა მაცივარკონტეინერით, უბრალოდ ლაბორატორიას არ ვთხოვდით ამ ფაქტის დადასტურებას. მას შემდეგ რაც შპს "აისის" წარმომადგენლებმა ამ პროცედურაში ეჭვი შეიტანა, ვითხოვთ ლაბორატორიამ კონტეინერის არსებობა და ჩაბარებული ნაყინის ტემპერატურა დასკვნაში მიუთითოს.

თუ კიდევ გექნებათ დასაბთებული შენიშვნა, მასაც სიამოვნებით მივიღებთ. ჩვენი მიზანი მეწარმესთან ბრძოლა არ არის. ჩვენი მიზანია სამომხმარებლო ბაზარზე გარანტირებულად უვნებელი სურსათი იყიდებოდეს.
Irakli   14:37:26 2015-07-31  უპასუხე   
შემოწმებაზე ნიმუშები კონტეინერებით არ გადაგქონდათ და ამის დასადასტურებლად ვტვირთავ 2014 წელს თქვენი დაკვეთით მომზადებულ სამხარაულის სახელობის სახელმწიფო ექსპერიტის ბიუროს დასკვნას. დასკვნაში მითითებულია: "კვლევის ობიექტები ბიუროში წარმოდგენილია დაულუქავი პოლიეთილენის პარკებით (ორი ფუთა)".


ლია, CSRDG   14:52:32 2015-07-31  უპასუხე   
ირაკლი, სინჯის მაცივარკონტეინერით გადატანა ავტომატურად არ გულისხმობს ლაბორატორიაში მის მაცივარკონტეინერითვე ჩაბარებას. ამიტომ შარშან სამხარაულის ბიუროში სინჯები მიგვქონდა მაცივარკონტეინერით, იქ კი მათ ვიღებდით კონტეინერიდან და გადავცემდით რეგისტრატორს - ასეთი იყო მათი პროცედურა. წესით ლაბორატორიამ სინჯი მიღებისთანავე თავად უნდა მოათავსოს შენახვის ტემპერატურაზე.

წელს გავითვალისწინეთ შპს "აისის" მოთხოვნა იმის თაობაზე, რომ სინჯები ლაბორატორიაში მაცივარკონტეინერითვე ჩაგვებარებინა. ამისათვის სპეციალურად შევიძინეთ დამატებითი მაცივარკონტეინერები. ნათაძის ინსტიტუტი დაგვთანხმდა ამ ახალ პროცედურაზე და ჩაიბარა სინჯები მაცივარკონტეინერით. სამხარაულის ბიურო ჩაიბარებს თუ არა ასე, არ ვიცით. ვნახავთ.
Irakli   14:58:22 2015-07-31  უპასუხე   
ლაბორატორიული კვლევისათვის ნიმუშის აღება, შეფუთვა, ეტიკეტირება, ტრანსპორტირება და კვლევა-გამოცდა ტარდება სტანდარტის "გოსტი 9225-84" საფუძველზე. ამ სტანდარტის 1.7 პუნქტის მიხედვით, ლაბორატორიული კვლევისათვის აღებული ნიმუში უნდა დაილუქოს ან დაიბეჭდოს და მიეკრას ეტიკეტი, რომელზეც მიეთითება: ნიმუშის ნომერი, საწარმო-მწარმოებლის დასახელება, პროდუქტის დასახელება და ხარისხი, სერიის ნომერი და ბრუნვა, პროდუქტის წარმოების ტექნოლოგიური პროცესის დასრულების მომენტის რიცხვი და საათი, ნიმუშის აღების რიცხვი და საათი, ნიმუშის ამღები პირის თანამდებობა და ხელმოწერა, ნორმატიული დოკუმენტი, რომლის საფუძველზეც წარმოებულია პროდუქტი. იმავე სტანდარტის 1.8 პუნქტის საფუძველზე, პროდუქტის მიკრობიოლოგიური ანალიზი უნდა ჩატარდეს ნიმუშის აღებიდან არაუგვიანეს 4 სთ-სა; ხოლო ნიმუშის შენახვა და ტრანსპორტირება ნაყინისათვის დასაშვებია ტემპერატურულ რეჟიმზე მინუს 2 გრადუსი ცელსიუსი.
ამ სტანდარტს თქვენ არ იცავდით და სრულყოფილად არ ამჟამად გაქვთ დაცული.
ლევანი   19:13:11 2015-08-02  უპასუხე   
თუნდაც თქვენს მიერ დასახელებულ სტანდარტს დაკვირვებით თუ წაიკითხავთ დაინახავთ რომ ნიმუშის აღება და ნიმუშის აღებიდან ნაანგარიშები დრო შეეხება იმ შემთხვევას, როცა პროდუქტი არ არის ჰერმეტულად შეფუთული. უფრო მარტივად რომ აგიხსნათ, ეგ თქვენი 1.7. და 1.8. პუნქტები შეეხება იმ შემთხვევას, როცა მაღაზიაში შევიძენთ მაგ.: გურჯაანის ნაყინს (პაკეტში ან ყუთში ჰერმეტულად მოთავსებულს), მერე წავიღებთ ლაბორატორიაში, იმ ლაბორატორიაში პაკეტს ან ყუთს რომ გახსნიან და უშუალოდ ნაყინის მასიდან აიღებენ ნიმუშს (მაგ.: 50 გ.-დან 10 გ-ს) იმ შემთხვევაზე ვრცელდება ეგ თქვენი "გოსტი"ს ნორმებიც და საათებიც.
სხვა შემთხვევაში ალოგიკური იქნება ნაყინზე მითითებული შენახვის ვადის არსი - თქვენი ლოგიკის შემთხვევაში გამოდის, რომ, ჰერმეტულად შეფუთული ნაყინის შენახვის ვადა არის არა 1 თვე, არამედ 1 საათი, რაც აბსურდია.
ასე რომ, კარგი იქნება თუკი სტანდარტებში და პროცედურებში ჯეროვნად გაერკვევიან ნაყინის მწარმოებლები და მათი დამცველებიც ;)
Irakli   22:12:42 2015-08-02  უპასუხე   
ამ თქვენი სუბიექტური განმარტებით, აბდა-უბდაში რომ გადადიხართ, თუ ხვდებით?
ლევანი   22:42:43 2015-08-02  უპასუხე   
ირაკლი, თუ ხვდებით რომ ძალიან სასაცილო მდგომარეობაში იგდებთ თავს. სასამართლოს მიმართეთ და წააგეთ, სასამართლომ გითხრათ არ ხართ მართლები, უსაფუძვლოა თქვენი სარჩელიო და მასში მითითებული ეგ წუთ-წამობრივ-"გოსტური" წიაღსვლებიო. ეხლა კი ცდილობთ უსაგნო კამათში შეხვიდეთ. გთავაზობთ თქვენვე გამოაქვეყნოთ 6 ივნისის სასამართლოს გადაწყვეტილება ;) :D
ლევანი   19:04:17 2015-08-02  უპასუხე   
ირაკლი, ვგონებ ყველაზე კარგად ნაყინის მწარმოებელმა უნდა იცოდეს რომ საქართველოში 2010 წლიდან ეროვნული სტანდარტები არსებობს
1) სსტ ისო 5538 : 2010 "რძე და რძის პროდურტები. სინჯის აღება. შემოწმება ხარისხობრივი მაჩვენებლების მიხედვით" http://www.geostm.ge/standards/index.php?id_product=2083&controller=product
2) სსტ ისო 707 : 2010 "რძე და რძის ნაწარმი. სახელმძღვანელო სინჯის აღებაზე" http://www.geostm.ge/standards/index.php?id_product=4118&controller=product

უხერხულია, როცა საბჭოთა დროინდელ რუსულ ან ბელორუსულ სტანდარტს მიუთითებთ, როცა არსებობს ქართული ;)
Irakli   21:28:04 2015-08-02  უპასუხე   
აკრედიტაციის ეროვნულმა ცენტრმა ოფიციალური წერილით გვიპასუხა, რომ ჩემს მიერ აქ მითითებული "გოსტი" მოქმედებს. ამდენად, თქვენს მიერ მითითებულ სტანდარტზე ვერაფერს გეტყვით.
ლევანი   22:38:44 2015-08-02  უპასუხე   
აკრედიტაციის ცენტრი რა შუაშია როცა სტანდარტებს სულ სხვა, საქართველოს სტნადარტებისა და მეტროლოგიის ეროვნული სააგენტო ადგენს? პრობლემაც სწორედ ისაა რომ ადრესატი ვერ შეარჩიეთ და უფრო დიდი პრობლემა კი ის რომ იმ არასწორმა ადრესატმა მის კომპეტენციის მიღმა მყოფ საკითხზე გიპასუხათ, თანაც შეცდომით
ლია, CSRDG   17:44:11 2015-08-02  უპასუხე   
ირაკლი, შეგახსენებთ, რომ შპს "აისმა" წააგო სასამართლო პროცესი, რომელზეც ჩვენს მიერ ამ სტანდარტის დაცვას ითხოვდა. შესაბამისად სასამართლომ სცნო, რომ ჩვენ სრულიად კანონიერად ვიქცეოდით. თუმცა ჩვენ მაინც ვცდილობთ მაქსიმალურად გავითვალისწინოთ მეწარმის მოთხოვნა, რათა ეჭვების საფუძველი ნაკლები იყოს.


ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge