ბოლო ცვლილებები

ბეჭდური პუბლიკაციები
სუნელების შემოწმება
ბილეთების ონლაინ შეძენა
დააფინანსე გაზომვა სურსათის უვნებლობისათვის!
ავტომატური კომპენსაცია მომხმარებლებს
საზოგადოებრივი ორგანიზაციების მიმართვა საქართველოს პარლამენტსა და მთავრობას „მომხმარებლის უფლებების დაცვის შესახებ“ კანონპროექტთან დაკავშირებით
პროდუქტი „იმერული“
სასმელი წყალი დიდუბიდან
კარფურში შეძენილი ტკბილეული
მომხმარებლის დამცველი ორგანიზაციები ევროკავშირში

სულ ნიუსები: 20

2015 წლის იანვარში მომხარებელმა ფეისბუქის გვერდის პირად შეტყობინებაში გვაცნობა, რომ დედამისმა ორ მაღაზიაში შეძენილი კარტოფილით მოამზადა ღვეზელი, რომელმაც ისინი  მოწამლა. კარტოფილის გარდა საჩივრის ავტორმა წვნიანი მიირთვა, რომელშიც იგივე კარტოფილი იყო გამოყენებული და აქედან გამომდინარე ეჭვი კარტოფილზე ჰქონდა. მომხმარებელს გამოვართვით კარტოფილი და ჩავაბარეთ ორ ლაბორატორიაში ფიტო-სანიტარული კვლევისათვის და კარტოფილში მძიმე მეტალების, ნიტრატების და ნიტრიტების შემცველობის დასადგენად.

კარტოფილის ფიტოსანიტარიულმა კვლევამ დარღვევა ვერ აღმოაჩინა. მეორე ლაბორატორიდან მიღებული პასუხით კარტოფილში მძიმე მეტალის - კადმიუმის გადაჭარბებული რაოდენობა აღმოჩნდა. ეს ნივთიერება ადამიანის მოწამვლას ვერ გამოიწვევდა, თუმცა საკმაოდ მავნეა ჯანმრთელობისათვის, ამიტომ გადავწყვიტეთ კარტოფილის შეძენა და მძიმე მეტლების შემცველობაზე განმეორებითი ანალიზის ჩატარება. მომხარებლის მიერ მითითებული ორი მაღაზიიდან ერთერთში (ყავლაშვილის ქ.1)  შევიძინეთ (მეორე მაღაზიამ ვერ მოგვცა შესყიდვის დამადასტურებელი ქვითარი) ახალციხის რაიონის, ორი დასახელების კარტოფილი: კარტოფილი "პიკასო", (თეთრი) და მოწითალო ჯიშის კარტოფილი. მივანიჭეთ მათ პირობითი ნომრები (#1 მოწითალო ჯიშის და #2 პიკასო) და ჩავაბარეთ ლაბორატორიაში ანალიზისათვის.

ვინაიდან ევროკავშირში კადმიუმის ნორმა გაფცქვნილი კარტოფილისთვის არის დადგენილი, ლაბორატორიას ვთხოვეთ მძიმე მეტალების შემცველობა როგორც გაფცქვნილ, ასევე გაუფცქვნელ კარტოფილში დაედგინა.

ლაბორატორიიდან მიღებული პასუხების  (#1 კარტოფილი, #1 კარტოფილი გაფრცქვნილი; #2 კარტოფილი, #2 კარტოფილი გაფრცქვნილი)  მიხედვით მძიმე მეტალების შემცველობა პროდუქტებში ნორმაშია. #1 და #2 კარტოფილში აღმოჩნდა ნიტრატების რაოდენობა, რომელიც საქართველოში დღეს მოქმედ ნორმას აჭარბებს

გაიგზავნა  წერილი სურსათის ეროვნულ სააგენტოში.

-------------

სურსათის ეროვნული სააგენტოდან მივიღეთ წერილი, საიდანაც ირკვევა, რომ დღეს საქართველოში მოქმედ "სანიტარულ წესებსა და ნორმებში დაშვებულია ტექნიკური უზუსტობა. კერძოდ, კარტოფილში ნიტრატების შემცველობის ზღვრულად დასაშვებ ნორმად მითითებულია არაუმეტეს 25მგ/კგ, ნაცვლად 250მგ/კგ-ისა", რაც იმას ნიშნავს, რომ #1 და #2 კარტოფილში ნიტრატების შემცველობა ნორმის ფარგლებშია.




print version
12:24:45 2015-03-11

კომენტარის დამატება

ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge