2014 წლის განმავლობაში ერთ-ერთმა მომხმარებელმა ე.წ. "გეპეის" რძის პროდუქტის შესახებ გვთხოვა ინფორმაცია, მეორემ კი "ბოჩოლას" რძის პროდუქტების შესახებ:

როგორც გაირკვა,  ეს ორივე თხოვნა ერთსა და იმავე პროდუქტს ეხებოდა. კერძოდ, ტექნიკური უნივერსიტეტის პირველი კორპუსის ეზოში, რძის პროდქუტების დამმზადებელი საწარმოს, შპს "ამირანი XXI"-ს მიერ წარმოებულ რძის პროდუქტს, ბრენდული დასახელებით "ბოჩოლას".

მომხმარებლების ინტერესის დასაკმაყოფილებლად 2014 წლის 20-21 ნოემბერს ბალანჩივაძის ქუჩაზე მდებარე მაღაზიაში შევიძინეთ "ბოჩოლას" დაფასოებული მაწონი და ასაწონი ხაჭო.

მაწონს შეფუთვაზე მითითებული აქვს, რომ პროდუქტი დამზადებულია რძის ცხიმის შემცვლელით, ხოლო ხაჭოს შესახებ გამყიდველმა გვითხრა, რომ ცხიმს ძალიან მცირე რაოდენობით შეიცავს, ხოლო რისი ცხიმია ამ პროდუქტში გამოყენებული გამყიდველს ინფორმაცია არ ჰქონდა. ვინაიდან მომხმარებლისთვის სრულებით გაუგებარია, თუ რას ნიშნავს "რძის ცხიმის შემცვლელი", ჩვენ გადავწყვიტეთ შეგვემოწმებინა, რძის შეიცავს თუ არა პროდუქტი რძის ცხიმს.

ლაბორატორიიდან მიღებული პასუხებიდან ირკვევა, რომ პროდუქტები რძის ცხიმს თითქმის სრულებით არ არის. კერძოდ, "ბოჩოლას" მაწვნის ცხიმში რძის ცხიმის შემცველობა სულ 2,4% აღმოჩნდა, ხოლო ხაჭოს ცხიმში -1,5%. ეს ნიშნავს, რომ ეს პროდუქტები ნამდვილი რძის პროდუქტი არ არის.