momxmarebeli.ge

ბოლო ცვლილებები

ევროკავშირში აღმოჩენილი სახიფათო არასასურსათო პროდუქტები
მომხმარებლისათვის სურსათის შესახებ ინფორმაციის მიწოდება
სურსათის ეროვნული სააგენტოს 2018 წლის აპრილ-ივნისის კონტროლის შედეგები
ხილის წვენები და მსგავსი სასმელები
რას ნიშნავს „გმო“?
მომხმარებლის ძირითადი უფლებები
სურსათთან დაკავშირებული რისკის შეფასება
როგორ შევარჩიოთ სამომხმარებლო პროდუქცია?
ბეჭდური პუბლიკაციები
შაქრის ეტიკეტი

სულ ნიუსები: 21
ნიკორას რძიანი სოსისი
ხორცეული, ძეხვეული, სურსათის ჰიგიენა,

2013 წლის 24 დეკემბერს, ფეისბუქის ჩვენს გვერდზე, დაფარული შეტყობინება გამოგვიგზავნა მომხარებელმა და გვთხოვა ნიკორას რძიანი სოსისის შემოწმება ნიკორას ერთერთ საფირმო მაღაზიიდან.

2013 წლის 26 დეკემბერს, მომხარებლის მიერ მითითებულ მაღაზიაში შევიძინეთ, მომხარებლის მიერ მითითებული "რძიანი სოსისი ნიკორა". ნიმუშები თავისივე შეფუთვიანად მოთავსდა სტრილურ პოლიეთილენის პარკებში და ჩაბარდა ლაბორატრიაში მიკრობიოლოგიური ანალიზისათვის.

ლაბორატორიიდან მიღებული პასუხის მიხედვით, სოსისის მიკრობიოლოგიური პარამეტრები ნორმაში აღმოჩნდა (იხ. განმარტება ქვემოთ).

რაც შეეხება მომხმარებლის მიერ სოსისთვის შემჩნეულ შებოლილი პროდუქტის სუნს, კვების ექსპერტის განმარტებით, ეს სუნი შესაძლოა სოსისს მაცივრიდან აეღო, თუკი მოთავსებული იყო შებოლილი პროდუქტის გვერდზე, ან სოსისის დამაზდებისას ტექნოლოგიურ პროცესის დარღვევას გამოეწვია. არც ერთი და არც მეორე მიზეზი ჯანმრთელობისათვის საშიში არ არის.

მომხმარებელს განვუმარტავთ, რომ ვინაიდან საქართველო უახლოეს პერიოდში სურსათის მიკრობიოლოგიურ ევროპულ პარამეტრებზე გადადის, ჩვენი მოთხოვნები ლაბორატორიებისადმი შეიცვალა: რამოდენიმე თვის წინ ჩვენ, მოქმედი სანიტარული ნორმის შესაბამისად, პროდუქტში კოლიფორმების გაზომვას ვითხოვდით, რაც ბაქტერიათა დიდი ჯგუფია. ამჟამად კი, ევროკავშირის მოთხოვნების შესაბამისად, კოლიფორმების  გაზომვა აღარ ხდება! სანაცვლოდ, ამ დიდი ჯგუფიდან, ჩვენ ლაბორატორიებს მხოლოდ ერთი (პოტენციურად პათოგენური) ბაქტერიის _ ეშერიქია კოლის გაზომვას ვთხოვთ. აგრეთვე იზომება სხვა პათოგენური მიკროორგანიზმები, რომელთა არსებობა ამ ტიპის პროდუქტში მეტ-ნაკლებად მოსალოდნელია. თუმცა ამჟამად ქართული ლაბორატორიები შესაძლო პათოგენური ბაქტერიების მთელ სპექტრს ჯერ-ჯერობით ვერ ზომავენ. ამიტომ სრული ინფორმაცია პროდუქტის მიკრობიოლოგიური უვნებლობის შესახებ არ გაგვაჩნია. იმედი გვაქვს, რომ ქვეყნის ევროპულ ნორმებზე გადასვლისა და ლაბორატორიათა შესაძლებლობების შესაბამის ზრდასთან ერთად ჩვენს მიერ მოწოდებული ინფორმაციაც უფრო ამომწურავი გახდება.




print version
15:34:33 2014-01-14

კომენტარის დამატება

natia   00:50:37 2014-06-25  უპასუხე   
გამარჯობათ, ძალიან გთხოვთ იქნებ მირჩიოთ ღირს თუ არა 3 წალის ბავშვისთვის სოსისის მიცემა, კერძოდ ლიდერ ფუდის.
თამარ, CSRDG   11:43:06 2014-06-25  უპასუხე   
ნათია, ლიდერ ფუდის სოსისი წინა წელს შემწომებული გვაქვს მიკრობიოლოგიურ პარამეტრებზე და ნორმაში აღმოჩნდა. ახალი შემოწმება არ ჩაგვიტარებია. მიბმულ სტატიაში ნახავთ სოსისის სასარგბელო თვისებებსა და არჩევისა და შენახვის პირობებს. თუ ეს მოთხოვნები დაცულია ნამდვილად არ არის სოსისი არასასარგებლო პროდუქტი. თუმცა კითხვაზე არის თუ არა ეს ნორმები დაცული? ჩვენ პასუხი არ გვაქვს. ყველა პარამეტრს ვერ ვამოწმებთ სამწუხაროდ
სოსისის სასარგებლო თვისებები


ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge