ბოლო ცვლილებები

საზოგადოებრივი ორგანიზაციების მიმართვა საქართველოს პარლამენტსა და მთავრობას „მომხმარებლის უფლებების დაცვის შესახებ“ კანონპროექტთან დაკავშირებით
პროდუქტი „იმერული“
სუნელების შემოწმება
სასმელი წყალი დიდუბიდან
კარფურში შეძენილი ტკბილეული
მომხმარებლის აზრი: სხვა საქონელი
მომხმარებლის აზრი: სამედიცინო და სააფთიაქო მომსახურება
მომხმარებლის აზრი: საზოგადოებრივი ტრანსპორტი
მომხმარებლის აზრი: დენი, გაზი, წყალი, დასუფთავება
მომხმარებლის დამცველი ორგანიზაციები ევროკავშირში

სულ ნიუსები: 21

კანფეტები წარმოადგენენ სხვადასხვა გემოს, კონსისტენციის, სტრუქტურისა და ფორმის მქონე მრავალფეროვან შაქროვან პროდუქციას. კანფეტების ასოტიმენი ძალიან დიდია -კარამელი, შაქარყინული, შოკოლადი გულსართით ან მის გარეშე, მოჭიქული ან მოჭიქვის გარეშე, შაქრის პუდით, ჟელეთი, ხილის, რძიანი . . . კანფეტები სამართლიანად ითვლებიან თანემედროვეობის ყველაზე მრავალრიცხოვანი ასორტიენტის მქონე პროდუქციად. საერთო მთელ ამ მრავალფეროვნებას ის აქვს, რომ პროდუქტი პირში ხანგრძლივი წუწვნა-ღეჭვისთვის არის განკუთვნილი, რომლის შედეგადაც იგი ნერწყვში იხსნება და თანდათან ”ქრება”, პირში კი სასიამოვნო ტკბილ გემოსა და არომატს გვიტოვებს - კანფეტების დანიშნულება და სარგებლობა სწორედ ამ მიღებულ სიამოვნებაშია.

კანფეტი ძირითადად შაქარია, ანუ ”სწრაფი ენერგია”, ამიტომ მისი მოხმარებისას კარგად დაფიქრებას გირჩევთ _ თუკი ამ მიღებული ენერგიის დახარჯვას არ გეგმავთ, იგი ცხიმად იქცევა და გასუქდებით. გარდა ამისა, ”ნადიმს” უწყობთ პირში მცხოვრებ ბაქტერიებს, რომლებიც კბილის ემალს აზიანებენ. 

თუ მაინც გადაწყვეტთ, რომ კანფეტი უნდა მიირთვათ, შეძენისას ბრენდთან ერთად მის სიახლეს მიაქციეთ ყურადღება -კარგი კამფეტის შენახვის ვადა 6-7 თვეს არ აღემატება თუ იგი უფრო დიდია, თქვენ კონსერვანტებით გაჯერებულ პროდუქტს გთავაზობენ . ახალი კანფეტის გამოსაცნობად ყურადღება მიაქციეთ მის ზედაპირს იგი ერთგვაროვანი და ბზინვარე უნდა იყოს, გულსართი არ უნდა იყოს გარეთ გამოსული.

კანფეტების შენახვის ოპტიმალური ტემპერატურა 15-21°C ფარგლებში მერყეობს. უფრო მაღალი ტემპერატურა მათ შენახვის ვადას მკვეთრად ამცირებს. ასევე არასასურველია მათი შენახვა მაცივარში, ვინაიდან იქ მათ ზედაპირზე გროვდება ტენის წვეთები. კარამელის ტიპის კანფეტებში ისინი იწვევენ ზედაპირის გაწეპოვნებას, ხოლო შოკოლადის კანფეტებში კი გაჭაღარავებას. შესაბამისა კამფეტების ყიდვისას ყურადღება მიაქციეთ მათი შენახვის პირობებს.

გაითვალისწინეთ, რომ კანფეტები ადვილად იღებენ უცხო სუნს, ამიტომ ნუ შეიძენთ მათ იქ, სადაც მათ გვერდზე მკვეთრი სუნის სხვა პროდუქცია აწყვია.

და კიდევ ერთი რჩევა: კანფეტს ფერს სხვადასხვა საღებავების დამატებით აძლევენ. რაც უფრო მკვეთრი და ხასხასა ფერისაა კანფეტი, მით მეტია შანსი რომ მასში არა ბუნებრივი, არამედ სინთეზური საღებავია დამატებული, რომელიც საკმაოდ მავნეა. ამიტომ გირჩევთ მკვეთრი (არაბუნებრივი) ფერის კანფეტებს მოერიდოთ.




print version
21:17:03 2012-09-12

კომენტარის დამატება

ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge