ბოლო ცვლილებები

შპს ბოკოლასა და ი/მ გიორგი ლონდარიძის პელმენების შემოწმება
ევროკავშირში აღმოჩენილი სახიფათო არასასურსათო პროდუქტები
ვის მივმართოთ?
სურსათის ეროვნული სააგენტოს 2018 წლის იანვარ-მარტის კონტროლის შედეგები
კარაქ „პრეზიდენტის“ შემოწმება
გაყინული ხინკალი შპს „კამადან“
სურსათის ეროვნული სააგენტოს 2017 წლის სექტემბერ-დეკემბრის კონტროლის შედეგები
მოსახლეობის ინფორმირება მავნე პროდუქტების შესახებ
სურსათის ეროვნული სააგენტოს მიერ 2017 წელს განხორციელებული კონტროლის შედეგები
თამბაქოს მოხმარების წესები გამკაცრდა

სულ ნიუსები: 21
ხილის წვენები და ნექტარები
ჯანსაღი კვება, უალკოჰოლო სასმელები, რჩევები,

ხილის წვენები და ნექტარები პოპულარული და სასარგებლო პროდუქტია. ორივე მათგანი მწიფე ხილის დაქუცმაცება-გამოწურვით მიიღება. განსხვავება ნექტარსა და წვენს შორის მხოლოდ დამატებული წყლის რაოდენობაშია: წვენში წყალი დამატებული საერთოდ არ უნდა იყოს, ნექტარი კი სწორედ წყლით განზავებული წვენი ან ხილის რბილობია (შესაბამისად, ნექტარი წვენზე იაფი ღირს). სხვადასხვა ხილის ნექტარში 50-75%-მდე წყლის შემცველობა დაიშვება. თუკი პროდუქტი უფრო მეტადაა განზავებული, მისთვის ”ნექტარის” დარქმევა აღარ შეიძლება, ეს უკვე ხილის სასმელია.

ალბათ შეგიმჩნევიათ, რომ ზოგიერთი წვენი გამჭვირვალეა, ზოგი კი - მღვრიე. ამის მიზეზი ისაა, რომ ზოგიერთი ხილისა და კენკრის წვენი რბილობს საკმაოდ ცუდად შორდება (მაგალითად ატამი, გარგალი, ქლიავი, ალუბალი, მოცხარი), ამიტომ დაშვებულია, რომ წვენი ამ ხილის რბილობს (ხილფაფას) შეიცავდეს. ასეთი წვენები მღვრიე გამოდის, მაგრამ ეს მათ ხარისხს არ ამცირებს, პირიქით - ისინი გამჭვირვალე წვენებზე უფრო სასარგებლოა.

გასაყიდი წვენებისთვის დაშვებულია შაქრის, სიროფის, ლიმნის წვენის, ვიტამინების, მინერალების, ზოგ შემთხვევაში (ტომატის წვენში) აგრეთვე მარილის და სუნელების დამატება. თუმცა ყველა ნივთიერება, რაც წვენის გამოწურვის შემდეგ პროდუქტს დაუმატეს, ეტიკეტზე მითითებული უნდა იყოს. ამიტომ კარგად გაეცანით წვენის ეტიკეტს.

სამწუხაროდ საკმაოდ ხშირია წვენების ფალსიფიკაცია - მათი განზავება წყლით ან სხვა, უფრო იაფფასიანი წვენით (მაგ. ვაშლის, მანდარინის, გრეიფუტის წვენით), ან წვენის დამზადება ხილის დაწნეხვის შემდეგ დარჩენილი მასის გამორეცხვით. ასეთ ”წვენებს” ნატურალური ფერისა და გემოს მისაცემად უმატებენ სხვადასხვა საღებავებს, არომატიზატორებს, დამატკბობლებს. სამწუხაროდ, ასეთი ფალსიფიკაციის გამოვლენა მხოლოდ ლაბორატორიული კვლევის შედეგად არის შესაძლებელი.

თუმცა წვენებში ზოგიერთი არასასიამოვნო დანამატის გამოვლენა სახლის პირობებში მაინც შესაძლებელია. მაგალითად, ძალიან იოლია გაარკვიოთ, შეიცავს თუ არა წვენი კონსერვანტებს - გადმოასხით წვენი ჭიქაში და გააჩერეთ თბილ ოთახში. თუ პროდუქტი კონსერვანტს არ შეიცავს, მან მეორე დღესვე ”დუღილი” უნდა დაიწყოს. თუ წვენში 2-3 დღის განმავლობაში დუღილი არ დაიწყო, ეს იმას ნიშნავს, რომ მასში კონსერვანტია დამატებული. მოერიდეთ ასეთი წვენის შეძენას, განსაკუთრებით ბავშვებისთვის (ბავშვებში კონსერვანტებმა დისბაქტერიოზი შეიძლება გამოიწვიოს).

არსებობს აგრეთვე რამოდენიმე მარტივი მეთოდი წვენებში ხელოვნური საღებავების აღმოსაჩენად. მაგალითად:

  • ცოტაოდენ წითელი ფერის წვენს დაუმატეთ სოდა და აანჯღრიეთ. თუ წვენის ფერი შეიცვალა (მოლურჯო გახდა), ეს ნიშნავს რომ წვენის ფერი ნატურალურია. თუ წვენის ფერი არ შეიცვალა და კვლავ ისეთივე წითელი დარჩა, როგორიც იყო - ეს ხელოვნური საღებავის მაჩვენებელია.
  • კიდევ ერთი მარტივი ცდა: აიღეთ 1 ჩაის კოვზი წვენი და დაამატეთ 3-4 წვეთი 10%-იანი ამიაკის წყალხსნარი და ნარევი მიიყვანეთ ადუღებამდე. თუ წვენი ნატურალურია, იგი გამუქდება, ხოლო თუ წვენს სინთეზური საღებავი აქვს დამატებული _ მისი ფერი არ შეიცვლება.

და კიდევ ერთი რჩევა - არ მოგატყუილოთ წვენზე წარწერამ მასში დიდი ოდენობით C ვიტამინის შემცველობის თაობაზე. C ვიტამინი, ანუ ასკორბინის მჟავა, თავისთავად კონსერვანტია და მას ხშირად ამ მიზნით უმატებენ პროდუქტებს. ამიტომ მისი დიდი ოდენობა პროდუქტში ყოველთვის ნატურალურობის მაჩვენებელი არ არის.

მასალის გამოყენებისას სავალდებულოა ვებ-გვერდის მითითება!




print version
19:42:27 2012-05-15

კომენტარის დამატება

ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge