ბოლო ცვლილებები

საზოგადოებრივი ორგანიზაციების მიმართვა საქართველოს პარლამენტსა და მთავრობას „მომხმარებლის უფლებების დაცვის შესახებ“ კანონპროექტთან დაკავშირებით
პროდუქტი „იმერული“
სუნელების შემოწმება
სასმელი წყალი დიდუბიდან
კარფურში შეძენილი ტკბილეული
მომხმარებლის აზრი: სხვა საქონელი
მომხმარებლის აზრი: სამედიცინო და სააფთიაქო მომსახურება
მომხმარებლის აზრი: საზოგადოებრივი ტრანსპორტი
მომხმარებლის აზრი: დენი, გაზი, წყალი, დასუფთავება
მომხმარებლის დამცველი ორგანიზაციები ევროკავშირში

სულ ნიუსები: 21

”სპრედი” (Spread) ინგლისური სიტყვაა და პურზე წასასმელი რაიმე პროდუქტის აღსანიშნავად გამოიყენება. ეს შეიძლება იყოს კარაქი, მარგარინი, ჯემი, რბილი ყველი, სხვადასხვა ტიპის ტკბილი ან მჟავე საცხები და სხვა.

კარაქზე, მარგარინზე ან მათი შერევით მიღებულ პროდუქტზე წარწერა spread ნიშნავს, რომ პროდუქტის საერთო ცხიმიანობა კარაქისთვის ან მარგარინისთვის დადგენილზე დაბალია.  ევროკავშირის 299/114 რეგულაციით ”კარაქი” ან ”მარგარინი” შეიძლება ეწოდოს მხოლოდ იმ პროდუქტს, რომლის ცხიმიანობა 80-დან 90%-მდეა. პროდუქტებს, რომლის ცხიმიანობაც უფრო დაბალია, სპრედები ეწოდება. თუმცა უბრალოდ ”სპრედის” დარქმევა პროდუქტისთვის არ შეიძლება. უნდა მიეთითოს თუ რისი სპრედია იგი - რძის პროდუქტების, მარგარინის ცხიმების, თუ შერეული. დასახელებაში აგრეთვე უნდა მიეთითოს ცხიმიანობა. მაგალითად:

  • რძის პროდუქტის სპრედი (Dairy spread) 70% - ეს პროდუქტი ფაქტობრივად დაბალპროცენტიანი კარაქია;
  • ცხიმის სპრედი (Fat spread) 50% - ეს პროდუქტი ფაქტობრივად დაბალი ცხიმიანობის მარგარინია;
  • შერეული სპრედი  (Blended spread) 25% - ეს პროდუქტი შეიცავს როგორც კარაქს, ასევე მარგარინს და მისი ჯამური ცხიმიანობა 25%-ია.

საქართველოში ბოლო წლებში წარწერა ”სპრედი” გაჩნდა კარაქისა და მცენარეული ცხიმების შერევის შედეგად მიღებულ პროდუქტებზე. თუმცა, როგორც წესი არ არის განმარტებული, კერძოდ რა ტიპის სპრედს წარმოადგენს პროდუქტი. გარდა ამისა დასახელება ”სპრედი” ქართველი  მომხმარებლისთვის უცხო და გაუგებარია. ამიტომ, ჩვენი აზრით, ეს წარწერა ქართველ მომხმარებელს არავითარ დამატებით ინფორმაციას არ აწვდის.




print version
18:08:43 2011-11-28

კომენტარის დამატება

ლია   22:06:10 2012-06-30  უპასუხე   
მუდმივად მოვიხმარ სანტეს 60% კარაქს.აწერია სპრედი.რისი სპრედია იქნებ განმიმარტოთ?
თამარ, CSRDG   11:41:57 2012-07-02  უპასუხე   
ლია, ამ ბმულზე შეგიძლიათ წაიკითხოთ რას ნიშნავს სპრედი.

rusudan   12:38:15 2012-02-08  უპასუხე   
ამიტომ ჯობია ქართულად დაგვიწეროთ რომ ეჭვებში არ ჩაგვაგდოთ რას გვაჭმევენო. არ გვყოფნის სიტყვის მარაგი თუ რა გაგვიჭირს ასეთი?


ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge