ბოლო ცვლილებები

სულგუნი ი.მ. ნოდარ ლაზარეშვილისგან
კარფურში შეძენილი კარაქი „ვალიო“
ვადაგასული სურსათი „სპარში“/სულგუნ „შუამთის“ ეტიკეტი
სურსათის ეროვნული სააგენტოს ცხელი ხაზი
ბიუ-ბიუს ფილე
პარფიუმერიულ-კოსმეტიკური საშუალებების შემოწმება
სურსათის შემოწმება არასაკვებ საღებავებზე
ფორმალდეჰიდი პარფიუმერია-კოსმეტიკაში
იმერული სახაჭაპურე
სემინარი ჟურნალისტებისათვის

სულ ნიუსები: 21
ვადაგასული სურსათი „სპარში“/სულგუნ „შუამთის“ ეტიკეტი
ეტიკეტი, რძის ნაწარმი,

მომხმარებელმა გვაცნობა, რომ მაღაზია „სპარის“ ქსელში იყიდება პროდუქტი „შუამთა, სულგუნი“, რომელსაც შემადგენლობაში მითითებული აქვს მხოლოდ „სულგუნი“.

საჩივრის გადამოწმების მიზნით, 2019 წლის 25 ივნისს მაღაზია „სპარში“ (თბილისი, 26 მაისის მოედანი #1, სს „ფუდმარტი“) შევიძინეთ  ი.მ. ლევან ბეჟანიშვილის მიერ დამზადებული პროდუქტი „შუამთა, სულგუნი“, რომელსაც შემადგენლობაში მართლაც მხოლოდ „სულგუნი“ ჰქონდა მითითებული, ხოლო მწარმოებლის მისამართი ეტიკეტზე არ იყო დატანილი.

ეს წარმოადგენს ტექნიკური რეგლამენტის „მომხმარებლისათვის სურსათის შესახებ ინფორმაციის მიწოდების თაობაზე“ დარღვევას. 

გარდა ამისა, აღმოჩნდა, რომ პროდუქტი უკვე ვადაგასული იყო. წარმოების თარიღად 19 მაისი იყო მითითებული, ხოლო შენახვის ვადად - 30 დღე, ანუ მისი შენახვის ვადა 19 ივნისს გავიდა. 

გაიგზავნა წერილები სურსათის ეროვნულ სააგენტოში, მაღაზიასა და მწარმოებელთან.

______________________________________________

2019 წლის 27 ივნისს დაგვიკავშირდა და წერილი გამოგვიგზავნა ი.მ. ლევან ბეჟუაშვილმა. 

 

--------

17 ივლისს მივიღეთ პასუხი სურსათის ეროვნული სააგენტოდან, რომლის მიხედვითაც სააგენტომ 11 ივლისს ჩაატარა მაღაზია „სპარის“ (სს ,,ფუდმარტი“, თბილისი, 26 მაისის მოედანი №1) სახელმწიფო კონტროლი. დახლ-მაცივრებსა და საწყობში არ აღმოჩნდა ჩვენს წერილში აღნიშნული სურსათი. ასევე, შემოწმდა სხვადასხვა დასახელების ყველის შენახვის პირობები, რეალიზაციის ვადები, ეტიკეტირების შესაბამისობა საქართველოს კანონმდებლობის მოთხოვნებთან. დარღვევები არ გამოვლინდა.

16 ივლისს სააგენტომ შეამოწმა ი/მ „ლევან ბეჟანიშვილი“-ს (ს/კ 20001008282) რძისა და რძის პროდუქტების საწარმო (თელავის მუნიციპალიტეტი, სოფ. კურდღელაური). დადგინდა, რომ ბიზნესოპერატორს შეეწყვიტა ჩვენს მიერ მითითებული ეტიკეტით სურსათის რეალიზაცია და დაემზადებინა ახალი ეტიკეტი, რომელიც შეესაბამება საქართველოს კანონმდებლობის მოთხოვნებს. შემოწმებისას
გამოვლენილი არაკრიტიკული შეუსაბამობების გამოსასწორებლად მეწარმეს დაუდგინდა ვადა.

--------

8 ოქტომბერს ვეწვიეთ ზემოაღნიშნულ მაღაზია „სპარს“, თუმცა, სულგუნი „შუამთა“ აღარ იყიდებოდა.




print version
14:06:20 2019-06-26

კომენტარის დამატება

ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge