ბოლო ცვლილებები

კარფურში შეძენილი კარაქი „ვალიო“
ბეჭდური პუბლიკაციები
ვიდეო #1 - გაფუჭებული სარეცხის მანქანა და საგარანტიო ხელშეკრულება
ვადაგასული სურსათი „სპარში“/სულგუნ „შუამთის“ ეტიკეტი
სურსათის უვნებლობის კონტროლის ზოგიერთი საკითხი
საინფორმაციო შეხვედრა რუსთავსა და მარნეულში
იმერული სახაჭაპურე
საინფორმაციო შეხვედრა "სურსათის სახელმწიფო კონტროლი"
ხელშეკრულების სტანდარტული პირობები
მოსახლეობის ინფორმირება მავნე პროდუქტების შესახებ -- წერილი გარემოს დაცვისა და სოფლის მეურნეობის მინისტრს

პროდუქტის უსაფრთხოების კონტროლი
კანონმდებლობა, პროდუქციის ხარისხი,

მიმდინარე წლის მარტში საქართველოს პარლამენტსა და მთავრობას გავუგზავნეთ 33 საზოგადოებრივი ორგანიზაციის მიმართვა „პროდუქტის უსაფრთხოებისა და თავისუფალი მიმოქცევის კოდექსში ცვლილებების შეტანის შესახებ“. საქმე ისაა, რომ საქართველოში სამომხმარებლო პროდუქტების დიდი უმრავლესობა უსაფრთხოების კონტროლს მიღმაა დარჩენილი. ამგვარად, საქართველოს მოქალაქეების სიცოცხლე და ჯანმრთელობა დაუცველია. სამწუხაროდ, ამ პრობლემას არც საქართველოს მთავრობის მიერ ინიცირებული ზემოაღნიშნული კანონის ცვლილებები აგვარებს. შესაბამისად, ჩვენი მოთხოვნები იყო: 

• „პროდუქტის უსაფრთხოებისა და თავისუფალი მიმოქცევის კოდექსის“ მოქმედება არ შეიზღუდოს გარკვეული სახის პროდუქტებით და რომელიმე პროდუქცია კანონის ჩარჩოებს მიღმა არ დარჩეს.
• ხელისუფლებამ შეიმუშაოს სამოქმედო გეგმა, ყველა სახეობის პროდუქტზე სახელმწიფო კონტროლის დასანერგად.

სამწუხაროდ, საქართველოს პარლამენტმა და მთავრობამ ჩვენი მოთხოვნები არ გაითვალისწინა და კანონპროექტში ჩვენს მიერ შეთავაზებული ცვლილებები არ შესულა.

საქართველოს ახალი პრემიერ-მინისტრის დამტკიცებისა და მის მიერ წარმოდგენილი სახელმწიფო პოლიტიკის ახალი ხედვის გაცნობის შემდეგ, ვიმედოვნებთ, რომ მომხმარებლის უფლებების დაცვის კუთხით საქართველოს ხელისუფლების პოლიტიკა შეიცვლება და, მათ შორის, ჩვენი ზემოაღნიშნული მოთხოვნების დაკმაყოფილებაც შესაძლებელი გახდება. ამიტომაც, საქართველოს პრემიერ-მინისტრს, ბატონ მამუკა ბახტაძეს ჩვენი 2018 წლის მარტის მიმართვა გავუგზავნეთ. პასუხის მიღებისთანავე ამის თაობაზე გავავრცელებთ ინფორმაციას.




print version
12:39:00 2018-07-04

კომენტარის დამატება

ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge