ბოლო ცვლილებები

ევროკავშირში აღმოჩენილი სახიფათო არასასურსათო პროდუქტები
სურსათის ეროვნული სააგენტოს 2018 წლის იანვარ-მარტის კონტროლის შედეგები
მოსახლეობის ინფორმირება მავნე პროდუქტების შესახებ
სურსათის ეროვნული სააგენტოს მიერ 2017 წელს განხორციელებული კონტროლის შედეგები
თამბაქოს მოხმარების წესები გამკაცრდა
საზოგადოებრივი ორგანიზიაციების მიმართვა საქართველოს ხელისუფლებას
ჯარიმები
პროდუქტის უსაფრთხოებისა და თავისუფალი მიმოქცევის კოდექსი
სახიფათო პროდუქტები ევროკავშირის ბაზარზე
საქართველოში სანთებელების კონტროლი ამოქმედდა

08-ს და 09-ს საქმე

ეს კამპანია 2012 წლის ოქტომბერში დაიწყო, ამ ვებ-გვერდზე მომხმარებლის ამ წერილით, რომელიც სხვა ინფორმაციასთან ერთად გვატყობინებდა, რომ (118)08 და (118)09 საინფორმაციო სამსახურის ტელეფონებზე დარეკვისას მომხმარებელს მომსახურების საფასური მაშინაც ეჭრება, როცა ინფორმაციას არ იღებს.

ჩვენ შევისწავლეთ ტარიფები აღნიშნული საინფორმაციო მომსახურებათა ვებ-გვერდებზე და ფეისბუქის გვერდებზე:

მომხმარებლის მოწოდებული ინფორმაციის გადასამოწმებლად ჩვენ დავრეკეთ ორივე ამ სამსახურში მობილურიდან და ინფორმაციის მოთხოვნის ნაცვლად ბოდიში მოვიხადეთ - რამოდენიე წუთში მობილურზე არსებული ბალანსიდან ინფორმაციის მიღებისათვის დადგენილი ტარიფი მართლაც ჩამოიჭრა.

ამის შემდეგ ჩვენ კითხვით მივმართეთ თითოეულ ამ სამსახურს, მათ ფეისბუქის გვერდზე. ჩვენი მიმოწერა თითოეულ მათგანთან ასეთი იყო:

მიმოწერა ფეისბუქის საშუალებით 08 საინფორმაციო მომსახურების კომპანიასთან:

მიმოწერა ფეისბუქის საშუალებით 09 საინფორმაციო მომსახურების კომპანიასთან:

ამის შემდეგ, 2012 წლის 5 ნოემბერს, ჩვენ შევადგინეთ საჩივრის წერილი და გავუგზავნეთ კომუნიკაციების ეროვნულ კომისიას ელექტრონული ფოსტის საშუალებით:

2012 წლის 9 ნოემბერს მივიღეთ პასუხი კომუნიკაციების ეროვნული კომისიიდან, საიდანაც შევიტყვეთ, რომ ორივე საინფორმაციო მომსახურების კომპანიას და მობილურ ოპერატორებს მოეთხოვა აბონენტებისგან თანხის ამოღების წესის დაუყოვნებლივ შეცვლა.

2012 წლის 18 ნოემბერს კომუნიკაციების კომისიაში არსებულმა მომხმარებელთა უფლებების საზოგადოებრივი დაცვის სამსახურმა გვაცნობა, რომ კომუნიკაციების კომისიის მიერ ადმინისტრაციული წარმოების დაწყებისთვის მარტო ჩვენი საჩივარი საკმარისი არ იყო - საჭირო იყო აგრეთვე ფაქტიურად დაზარალებული მომხმარებლების საჩივარი და სატელეფონო ანგარიშის ამონაწერი. 20 ნოემბერს ჩვენ საზოგადოებრივი დაცვის სამსახურს ორი ასეთი მომხმარებლის განცხადება გავუგზავნეთ (განცხადება 1, განცხადება 2).

2012 წლის 5 დეკემბერს კიდევ ერთი წერილი მივიღეთ, საიდანაც ირკვევა, რომ ჩვენი განცხადების საფუძველზე მომხმარებელთა უფლებების საზოგადოებრივი დაცვის სამსახურმა კომისიას ოფიციალური ადმინისტრაციული წარმოების დაწყება მოსთხოვა, საინფორმაციო მომსახურების საფასურის ამოღების პირობების შესაცვლელად: 

2012 წლის 21 დეკემბერს საქართველოს კომუნიკაციების ეროვნული კომისიიდან მოგვივიდა 2 წერილი:

#1

#2




print version
17:37:29 2012-12-24

კომენტარის დამატება

დავითი   09:33:22 2013-01-17  უპასუხე   
საინტერესოა ზემოთ აღნიშნული კომპანიები თუ ითვალისწინებენ მარეგულირებელის გადაწყვეტილებას თანხის დაბრუნების შესახებ. იმედია კომპანიები მომხმარებლის მსგავს სიტოაციაში აღმოჩენისას ავტომატურად დააბრუნებენ არასწორად ჩამოჭრილ მომსახურების თანხას და არა საჩივრით მივმართვის შემთხვევაში.


ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge