ბოლო ცვლილებები

სურსათის შემოწმება არასაკვებ საღებავებზე
სემინარი ჟურნალისტებისათვის
სურსათის უვნებლობის კონტროლისათვის საჭირო კადრები
უნაკლო ნივთის მიწოდების ვალდებულება
წარმატების ამბავი - მომხმარებლისათვის დაბრუნებული თანხა
მოგზაურობის ხარვეზები
პარფიუმერიულ-კოსმეტიკური საშუალებების შემოწმება
ბეჭდური პუბლიკაციები
კარფურში შეძენილი კარაქი „ვალიო“
სურსათის ეროვნული სააგენტოს 2019 წლის მეორე კვარტლის კონტროლის შედეგები

„არაჟანი სვანური 25% - ნატურალ+“ - მაღაზია ფრესკოდან
ეტიკეტი, რძის ნაწარმი,

2019 წლის 25 თებერვალს მოქალაქემ გვაცნობა, რომ თბილისში, გორგასლის ქუჩა N. 61-ში მდებარე მაღაზია „ფრესკოში“ იყიდება მცენარეული ცხიმის შემცველი პროდუქტი არაჟნის დასახელებით.

ჩვენ გადავამოწმეთ მომხმარებლის საჩივარი და ზემოაღნიშნულ მაღაზიაში მართლაც აღმოვაჩინეთ, რომ იყიდება ასაწონი პროდუქტი, დახლზე განთავსებული წარწერით „არაჟანი სვანური 25% - ნატურალ+“ და შემადგენლობის აღწერით, სადაც მითითებულია მცენარეული ცხიმი (პალმის, მზესუმზირის).

აღნიშნული ფაქტი წარმოადგენს „რძისა და რძის ნაწარმის შესახებ“ ტექნიკური რეგლამენტის მოთხოვნების დარღვევას. დაუშვებელია, რომ მცენარეული ცხიმის შემცველი პროდუქტი რძის ნაწარმის სახელწოდებით იყიდებოდეს.

აღნიშნულ დარღვევაზე გაიგზავნა წერილები სურსათის ეროვნულ სააგენტოში და მაღაზიაში.

---------

11 მარტს მივიღეთ პასუხი სურსათის ეროვნული სააგენტოდან, რომლის მიხედვითაც, სააგენტომ 28 თებერვალს განახორციელა სახელმწიფო კონტროლი ზემოაღნიშნულ სასურსათო მაღაზიაში. შემოწმებისას დადგინდა, რომ მომხმარებლისთვის განკუთვნილ სურსათის ეტიკეტზე
მითითებული იყო „სვანური - 25% - ნატურალ+“. რძისა და რძის პროდუქტების სექციაში დაცული იყო საქართველოს კანონმდებლობით დადგენილი ეტიკეტირების წესის მოთხოვნები, სურსათის შენახვის პირობები და ვარგისიანობის ვადები.

როგორც ჩანს, ჩვენი წერილის მიღების შემდეგ, მაღაზიამ პროდუქტის ეტიკეტი შეასწორა.

---------

3 მაისს, დარღვევის გადამოწმების მიზნით, კვლავ ვეწვიეთ გორგასლის ქუჩა N. 61-ში მდებარე მაღაზია „ფრესკოს“. ეტიკეტირების წესების ზემოაღნიშნული დარღვევა აღარ დაგვიფიქსირებია.   




print version
09:22:45 2019-02-26

კომენტარის დამატება

ყველა კომენტარის გამოჩენა



ეს საიტი ეკუთვნის არასამთავრობო ორგანიზაციას "საქართველოს სტრატეგიული კვლევებისა და განვითარების ცენტრი"

ჩვენი მისამართია: თბილისი, დელისის I შესახვევი №5ა, ტელ: 239 90 19/18

ელფოსტა: office@csrdg.ge
ვებგვერდი: http://www.csrdg.ge/

admin login

© csrdg.ge
design.ge